Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstrler Nur Otan partııasynda azamattardy onlaın qabyldaýda

2021 jyldyń 24 aqpan 2021 16:32

NUR-SULTAN. QazAqparat - «Nur Otan»-nyń Respýblıkalyq qoǵamdyq qabyldaý bólmesinde azamattardyń mınıstrlermen jáne memlekettik organdardyń basshylarymen onlaın-kezdesýleri jalǵasýda. Qazaqstandyqtardyń mınıstrlerge qandaı máselelermen keletini týraly partııanyń Ortalyq apparatynyń baspasóz qyzmeti habarlady.

Ádilet mınıstri Marat Beketaevtyń azamattardy qabyldaýy barysynda alımentti ýaqtyly tóleý týraly másele birneshe ret kóterildi. Kentaý turǵyny Baǵıla Toǵmaǵambetova jeke sot oryndaýshylarynyń bereshekti óndirip alý boıynsha áreketsizdigine shaǵymdandy. Týra osyndaı máselemen mınıstrge Túrkistan oblysynyń turǵyny Aqmaral Jaqypova da júgindi. Qabyldaý qorytyndysy boıynsha mınıstr óńirlik qurylymdarǵa barlyq materıaldardy zerdelep, tıisti sharalar qabyldaýdy tapsyrdy.

Advokat Janna Orazbahova Іshki ister mınıstri Erlan Turǵymbaevqa seksýaldyq zorlyq-zombylyqqa qarsy arnaıy ortalyqtar qurýdy usyndy. Onyń aıtýynsha, bul ortalyqtarda zardap shekkenderge kómek «bir tereze» qaǵıdaty boıynsha kórsetilýi múmkin, ıaǵnı, sol jerde polıtsııa birden shaǵymyn qabyldap, dárigerler tekserý júrgizip, psıhologtar qajetti kómek kórsetedi.

Óz kezeginde Erlan Turǵymbaev jobamen egjeı-tegjeıli tanysýǵa ýáde berdi. Mınıstrdiń azamattardy qabyldaýy 4 saǵattan astam ýaqytqa sozylǵanyn aıta keteıik.




Qarjy mınıstri Erulan Jamaýbaevtyń qabyldaýynda «Temeki tútininen azat Qazaqstan úshin» koalıtsııasynyń jetekshisi Jámıla Sadyqova Qazaqstandaǵy zııandy ónimderdi retteý máselesin kóterdi.

Almaty qalasynyń turǵyny Gúldarııa Qasteeva Mádenıet jáne sport mınıstri Aqtoty Raıymqulovaǵa Á.Qasteevtiń mýzeı-úıine qalpyna keltirý jumystaryn júrgizý jáne irgeles aýmaqtyń kúrdeli jóndeý men abattandyrýdy qajet etetinin, sondaı-aq qyzmetkerlerdiń jetispeıtinin aıtty. Mınıstr bul máseleni óziniń jeke baqylaýyna aldy.

Bilim jáne ǵylym mınıstri Ashat Aımaǵambetovpen kezdesýde azamattar qashyqtan oqytý jáne pedagogıkalyq mamandyq túlekterin jumysqa ornalastyrý máselelerin kóterdi.

Sondaı-aq, Premer-Mınıstrdiń orynbasary Roman Sklıar men Ulttyq ekonomıka mınıstri Áset Erǵalıev ta azamattardy qabyldady.




Aıta keteıik, ótken jyly «Nur Otan» partııasynyń qoǵamdyq qabyldaý bólmesine búkil el boıynsha 393 myńnan astam ótinish kelip tústi Bul – 2019 jylmen salystyrǵanda 2 ese kóp. Bul rette sońǵy 5 jylda partııaǵa 1,2 mln adam júgindi, onyń ishinde 423 myńnan astamy – onlaın formatta. Olardyń 92% oń sheshimin tapty, tegin konsýltatıvtik, quqyqtyq jáne ózge de kómek kórsetildi.




Taldaý kórsetkendeı, halyqty negizinen áleýmettik qamsyzdandyrý – 30%, turǵyn úı-kommýnaldyq sharýashylyq – 16%, turǵyn úımen qamtamasyz etý – 15%, eńbek daýlary – 14%, qurylys – 9%, bilim berý – 9%, medıtsınalyq qyzmet kórsetý – 7% máseleleri alańdatty.

Mınıstrlerdiń – «Nur Otan» partııasy músheleriniń qabyldaýyna jazylý úshin tómendegi nómirlerge habarlasý kerek:

1. Call-ortalyq 8 800 080 4441 (Qazaqstan boıynsha qońyraý shalý tegin);

2. Whatsapp 8700 800 4441

3. komek@nurotan.kz


Joǵary qaraı