Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mınıstrlik 1-2 synyp oqýshylaryn dástúrli formatta oqytýǵa keńes berdi

2022 jyldyń 17 qańtar 2022 14:55

NUR-SULTAN. QazAqparat – Elimizdiń Bilim jáne ǵylym mınıstrligi jas erekshelikterine baılanysty 1-2 synyp oqýshylaryn dástúrli túrde, ıaǵnı mektepte oqytýdy usynyp otyr, dep habarlaıdy QazAqparat tilshisi.

«Elimizdiń búkil óńirinde 1-2 synyp oqýshylary dástúrli formatta oqyǵany jón. Olardyń jas ereksheligine baılanysty osyndaı sheshimge kelip otyrmyz. Qashyqtan oqý olarǵa qıynǵa soǵady. Al 3-5 synyp oqýshylary kezekshi top júıesimen oqıdy. Qalǵan synyptar onlaın, ıaǵnı qashyqtan bilim alady. Degenmen oqý formatynyń ár óńirdegi epıdjaǵdaı men bas sanıtar dárigerdiń sheshimine baılanysty ekenin umytpaý kerek. Biz mysaly, 1-2 synyp oqýshylarynyń mektepke baryp oqyǵanyn qoldap otyrmyz. Al is júzinde qalaı bolatynyn bas sanıtar dárigerdiń sheshimi kórsetedi», - dedi QR Bilim jáne ǵylym mınıstrligi mektepke deıingi jáne orta bilim komıtetiniń tóraǵasy Gúlmıra Karımova OKQ-de onlaın ótken baspasóz máslıhatynda.

Sondaı-aq, mınıstrlik ókili 600 oqýshyǵa jetpeıtin mektep oqýshylarynyń dástúrli oqýyna qatysty túsinik berdi.

«Nege 600? Ózderińiz biletindeı, ótken jyly da qashyqtan oqydyq. Sondyqtan bizde tájirıbe bar. ıAǵnı 300-500 oqýshysy bar mekteptiń dástúrli formatta bilim bergeni tıimdi ekenin túsindik. Bul jerde mekteptiń kólemi, kabınet sany men keńdigi mańyzdy ról atqarady», - deıdi ol.

Joǵary qaraı