Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstrlik dızel baǵasyna qatysty túsinikteme berdi

2021 jyldyń 12 qazan 2021 18:04

NUR-SULTAN. QazAqparat – Energetıka mınıstrligi eldegi dızel baǵasyna qatysty resmı túsinikteme berdi, dep habarlaıdy QazAqparat tilshisi.

«Bıyl 9 aıdyń qorytyndysy boıynsha dızeldiń lıtri 188 teńgeni qurady. Ótken jyly osyǵan uqsas baǵa boldy, al 2019 jyly dızeldiń ortasha baǵasy 193 teńge (1 lıtr) turdy. Degenmen 2019-2020 jyldary qystygúni bul otynnyń lıtri 255-270 teńgege deıin kóterildi. Sońǵy ýaqytta baǵanyń ósýi baıqalýda, búginde elimizde dızeldiń ortasha baǵasy 214-330 teńge aralyǵyn qurap otyr. Maýsymdyq jaǵdaı turaqtalsa baǵa da ornyna keledi dep boljanýda», - dedi QR Energetıka vıtse-mınıstri Áset Maǵaýov Ortalyq kommýnıkatsııalar qyzmetinde ótken baspasóz máslıhatynda.

Sondaı-aq, vıtse-mınıstr dızel baǵasynyń kúrt ósýine qatysty pikir bildirdi.

«Baǵanyń kúrt ósýine eki faktor sebep bolýy múmkin. Birinshiden, Reseıden dızel otynyn jetkizý qymbatqa túsip otyr. Qyrkúıekte Reseımen shekaradaǵy jazǵy dızeldiń lıtri 230 teńgege deıin kóterilse, qysqy dızeldiń lıtri 260 teńgege deıin jetip úlgirdi. Ekinshiden, ákelingen dızeldi elimiz boıynsha janarmaı quıý stantsııalaryna jetkizý men basqa da operatsııalyq shyǵyndardy eskersek baǵanyń ósýi túsinikti. Osy oraıda otandyq ónerkásipterdiń óndiris kólemin arttyrsaq, jaǵdaı turaqtalady degep oıdamyz», - deıdi ol.

Buǵan deıin Á. Maǵaýov elimizde dızel tapshylyǵyn qoldan jasaý múmkindigi tekseriletinin tilge tıek etti.



Joǵary qaraı