Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstrlikter men ákimdikterdiń saıty isten shyqty

2021 jyldyń 22 qazan 2021 12:42

NUR-SULTAN. QazAqparat – Elimizde mınıstrlikter men ákimdikterdiń saıty ýaqytsha jumys istemeı tur. Bul derekti «Ulttyq aqparattyq tehnologııalar» AQ-y da rastady, dep habarlaıdy QazAqparat tilshisi.

«Qazirgi ýaqytta memlekettik organdardyń ınternet resýrstary biryńǵaı platformasy jobasynyń durys jumys istemeýin joıý jumysy júrgizilip jatyr. Aqaýdy joıý úshin jumys isteýdemiz. Ýaqytsha qolaısyzdyq keltirgenimiz úshin keshirim suraımyz», - delingen «Ulttyq aqparattyq tehnologııalar» AQ baspasóz qyzmeti taratqan aqparatta.

Aıta keteıik, 2020 jyldyń 24 maýsymynda 17 mınıstrlik, 48 komıtet jáne 10 jergilikti atqarýshy organ ınternet resýrstardyń biryńǵaı platformasyna (MO IRBP) kóshken bolatyn. Osylaısha, MO IRBP memlekettik organdardyń barlyq saıttaryn biriktirip, aqparat alý men ózara is-qımyl jasaýdyń biryńǵaı terezesine aınaldy.
Avtor Marlan Jıembaı
Basty sózder: Basqa memorgandar, Internet,
Joǵary qaraı