Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Mońǵolııa Prezıdenti Baıan-Ólgeı aımaǵynyń halqymen kezdesedi - Sheteldegi qazaq tildi BAQ-qa sholý

2020 jyldyń 20 qyrkúıek 2020 10:00

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Mońǵolııa Prezıdenti Baıan-Ólgeı aımaǵynyń halqymen kezdesedi - KAZNEWS

Mońǵolııa Prezıdenti Haltmaagıın Battýlga jumys saparymen eldiń batys óńirin aralap, halyqpen kezdesý ótkizedi, dep jazady Mońǵolııalyq KAZNEWS aqparattyq portaly Prezıdenttiń baspasóz qyzmetine silteme jasap.

«Prezıdent 2020 jyldyń 18-shi qyrkúıeginde Zavhan aımaǵynda, 19-shy qyrkúıeginde Ývs aımaǵynda halyqpen kezdesedi. Sondaı-aq, qyrkúıektiń 20-sy kúni 15:30-da Baıan-Ólgıı aımaǵynyń halqymen aımaqtyq Mýzykalyq drama teatrynda kezdesý ótkizedi», - dep habarlaıdy KAZNEWS.

Túrkııada Selchýk ımperııasy týraly jańa fılm kórsetiledi - TRT





Túrkııa Radıo jáne teledıdar korporatsııasynyń (TRT) Selchýk ımperııasy jónindegi jańa «Oıaný: Uly Selchýk» atty serıalynyń birinshi bólimi 28-shi qyrkúıekte kórermenge jol tartady, dep jazady Túrkııa Radıo Televızııa portaly.

«Jańa efırlik maýsymyn tamasha telehıkaıalarmen bastaýǵa daıyndalyp jatqan TRT 1-de Selchýk ımperııasy týraly jańa hıkaıany baıandaıtyn «Oıaný: Uly Selchýk» týyndysy dúısenbi, 28-shi qyrkúıek kúni kórsetiledi. Osy serıal arqyly TRT ekrandarynda kórermenderdiń jaqsy baǵasyn alǵan «Fılınta», «Ertuǵyryl, qaıta tirilý», «Paıtah Abdýlhamıt» jáne «Iá táýelsizdik, ıá ólim» syndy tarıhı serıaldarǵa taǵy bir tyń týyndy qosyldy. Jańa qoıylym akterlerimen, erekshe kostıýmderimen jáne tarıhı mekenderi, qyzyqty oqıǵalarymen jurt nazaryn aýdaratyn bolady», - dep jazady TRT.

Indonezııada betperde taqpaı qolǵa túskender qabir qazýǵa jiberilýde - «ÓzA» aqparattyq agenttigi





Indonezııada qoǵamdyq ortada betperdesiz júrip qolǵa túsken adamdar koronavırýstan qaza bolǵandardyń qabirin qazýǵa jiberilýde, dep jazady Ózbekstannyń «ÓzA» memlekettik aqparattyq agenttigi.

«Indonezııanyń Gresık okrýginde pandemııa kezinde maskasyz júrgen er adamdardy profılaktıkalyq maqsatta jazalaý týraly sheshim qabyldanyp, tutqyndalǵan tártip buzýshylar koronavırýs qurbandaryna beıit qazýǵa jumyldyrylýda. Jergilikti úkimet qyzmetkerleriniń aıtýynsha, bul aımaqta tek úsh kásibı beıit qazýshy bolǵan, sondyqtan bul jaǵdaı olarǵa qosymsha kómek bolady. Al jańadan qoldanysqa engen tártipke saı, qazirge deıin segiz azamat tutqyndalǵan jáne olar arnaıy qabirstanǵa koronavırýs qurbandaryna beıit qazý úshin jiberilgen», - dep jazady «ÓzA» agenttigi.

Mońǵolııa syılaǵan 30 000 qoı jaqyn ýaqytta Qytaıǵa jetkiziledi - «Jenmın jıbao» (People Daily)





Mońǵolııanyń Qytaıdaǵy koronavırýsqa qarsy kúresti qoldaý maqsatynda syılaǵan 30 myń bas qoıy jaqyn ýaqytta Qytaıǵa jetkiziledi, dep habarlaıdy kazakh.people.com.cn saıty.

«Mońǵolııa Qytaı tarapyna qaıyrymdylyq kórsetýge daıyn ekenin bildirgennen keıin, qytaılyq veterınarlar men tehnıkter daıyndyq jumystaryn júrgizý úshin Mońǵolııaǵa barǵan. Aldaǵy ýaqytta Mońǵolııanyń kómekke ataǵan qoılary oqshaýlanyp, qajetti karantın jumystary jasalǵannan keıin Qytaıǵa ótkizilip beriledi. Al Qytaıǵa jetkizilgennen keıin Qytaıdyń Іshki Mońǵolııa avtonomııaly ólkesiniń Erlenhot degen jerinde taǵyda qajetti karantın jasalyp, qoılardy soıyp daıyndaıdy. Osydan soń baryp Hýbeı provıntsııasyna tapsyrylady», - dep jazady People Daily.

Aıta ketsek, aqpan aıynda Mońǵolııa prezıdenti Qytaıdaǵy sapary kezinde, koronavırýsqa qarsy kúreste qoldaý maqsatynda Qytaıǵa 30 myń qoı syılaǵan bolatyn.

Buratala jerinde arqarlar «kúzgi seıilge» shyqty - Tıanshannet





Kúz bastalǵannan beri Buratala oblysynyń Tıan-Shan taýynyń qyrqalaryna top-top arqarlar jınalyp, kózge tústi, dep jazady qytaılyq kazakh.ts.cn portaly.





«Arqar - Qytaıda memleket jaǵynan ekinshi dárejeli qorǵalatyn ań. Іrileriniń salmaǵy 200 kg-ge jetedi. Quljasynyń múıizi jýan, buralyp ıilgen, aıshyqty. Al urǵashysynyń múıizi názik, óte qysqa bolady. Múıizindegi saqınaǵa qarap olardyń jasyn anyqtaıdy. Qysta salqyn tússe, taýdyń etegine, kóktem men jazda taýdyń joǵarǵy beldeýine qaraı qonys aýdarady. Qazan-qarashada kúılep, 6 aıdan soń kóbine, jalqy qozy tabady. Arqar - bıik taýlarda tirshilik etýge beıim, aıazǵa óte tózimdi janýar. Tabıǵı jaǵdaıda 12-14 jyl tirshilik etedi. Nazarlaryńyzǵa osy taý qyrqalarynda toptasqan arqarlardyń erekshe kórinisterinen fotoreportaj usynamyz», - dep jazady «Tıanshannet» aqparattyq portaly.








Qazaqstan Qytaıǵa aýyl sharýashylyǵy ónimderin eksporttaýǵa daıyn - «Fars» aqparat agenttigi





Qasym-Jomart Toqaev Qytaıdyń Syrtqy ister mınıstri Van Idi qabyldaýynda eki el arasynda ekonomıkanyń túrli salalaryna, sonyń ishinde aýyl sharýashylyǵyna ınvestıtsııa salý jobalaryn oryndaý qajettigin qýattady, dep jazady «Fars» aqparat agenttigi.

«Qazaqstan Prezıdenti Qytaıdyń Syrtqy ister mınıstrimen kezdesýinde: «Qazaqstannyń ónim óndirýshileri Qytaıǵa aýyl sharýashylyǵy ónimderin, ásirese dándi-daqyldardy eksporttaýda joǵary áleýetke ıe», -dedi. Qytaı Syrtqy ister mınıstri osy kezdesýde: «Qazaqstan astanasy Nur-Sultan – Qytaıdyń aımaqtaǵy mańyzdy strategııalyq seriktesi. Beıjiń eki el halyqtarynyń ıgiligi jolynda áriptestikti jan-jaqty damytýǵa jáne nyǵaıtýǵa daıyn»,-dedi», - dep jazady Rarstoday.


Avtor Baqytjol Kákesh
Basty sózder: Álem, BAQ,
Joǵary qaraı