Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mońǵolııa Prezıdenti qazaq tilinde ustazdar daıarlaıtyn fakýltet ashý týraly aıtty - Sheteldegi qazaq tildi BAQ-qa sholý

2021 jyldyń 5 qyrkúıek 2021 10:30

NUR-SULTAN. QazAqparat- «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Mońǵolııa Prezıdenti mońǵol-qazaq tilinde ustazdar daıarlaıtyn fakýltet ashý týraly aıtty – KAZNEWS

Mońǵolııa Prezıdenti Ýhnaagıın Húrelsúh Ulttyq til saıasaty keńesiniń tóraǵasy S.Dýlam jáne keńestiń birqatar múshelerin qabyldady, dep jazady Mońǵolııanyń Kaznews aqparattyq portaly.

«S.Dýlam bastaǵan keńes músheleri Prezıdentke mońǵol tiliniń emle sózdigi, etnografııalyq til, dıalektik zertteýler, termınologııa, tasqa jazbasha jazylǵan mádenı murany qorǵaý, mońǵol jazýynyń halyqaralyq standarttyq kod júıesin qalyptastyrý jáne Mońǵol tiliniń ulttyq baǵdarlamasy aıasynda jasalyp jatqan jumystar týraly tanystyrdy.

Kezdesý barysynda el Prezıdenti aldaǵy ýaqyttarda Mońǵolııanyń umytylǵan jáne ózgertilgen geografııalyq ataýlaryn qalpyna keltirý men qorǵaý týraly jarlyq shyǵaryp, ulttyq derekter qoryn qurý tıimdiligin atap ótti. Sonymen qatar krıllıtsa men mońǵol jazýyn qatar qoldanatyn kompanııalar men uıymdarǵa belgili mólsherde salyq jeńildigin kórsetetin múmkindik týǵyzatynyn aıtty.

Qos tilde bilim alýdy zańdastyrý, Mońǵolııanyń Memlekettik ustazdar ýnıversıtetinde mońǵol-qazaq jáne mońǵol-tyva tilinde bastaýysh synyp ustazdaryn daıarlaıtyn fakýltet ashýǵa, sheteldegi mońǵol balalarynyń mońǵol tilin úırenýine nazar aýdarý, Mońǵol tiliniń úlken sózdigin qurastyrýǵa baılanysty qarajattardy sheshý kerek dedi», - dep jazdy Kaznews.


Qytaıdyń bedeldi respýblıkalyq basylymy qazaq tilinde shyǵa bastady - «Jenmın jıbao» (People Daily)

Eldegi irgeli basylymnyń biri, Qytaıdyń memlekettik bılik partııasynyń ortalyq gazeti sanalatyn «Jenmın jıbao» (People Daily) saıty qazaq tilinde kırıllıtsa qarpimen shyǵa bastady, dep jazady Qytaılyq kazakh.people.com saıty.

««Jenmın jıbao» (halyq gazeti) saıty shetelge baǵyttalǵan aqparat taratý kólemin, aýdıtorııasyn keńeıtý maqsatymen qazaq(kırıllıtsa), ıtalıan, sýahılı tilderindegi nusqasyn jańadan ashty. Saıt aldaǵy ýaqytta Qytaıdyń saıasaty, ekonomıkasy, qoǵamy, mádenıeti, ǵylymy men bilimi sekildi kóptegen salalarynan aqparat taratady. Osylaısha «Jenmın jıbao» saıty jańadan qosylǵan úsh tilmen birge, burynan bar aǵylshyn, japon, frantsýz, ıspan, orys, arab, koreı, nemis, portýgal sekildi 12 shet tilinde habar taratý múmkindigine ıe boldy. Sonymen birge Qytaıdaǵy qazaqtarǵa arnalǵan qazaq tilindegi tóte jazý nusqasy da kóp jyldardan beri jumys jasap keledi», - dep jazady People Daily.




Aıta keteıik, «Jenmın jıbao» qytaı tilinde «Rin mın ry baý» dep dybystalyp, qazaqshaǵa aýdarylǵanda «Halyq gazeti» dep atalady. Gazet 1948 jyldan beri jaryq kórip keledi. 1997 jyly gazettiń saıt nusqasy jasalyp, ǵalamtor arqyly álemge jańalyqtaryn tarata bastady. 2000 jyly saıt nusqasy ataýyn «Jenmın ýań» («Rin mın ýań» - «Halyq saıty») dep ózgertti.


Tashkentte Ózbekstannnyń Tuńǵysh Prezıdentin eske alý sharasy ótti - «ÓzA» aqparattyq agenttigi

Ózbekstan Respýblıkasy Prezıdenti Shavkat Mırzııaev 2 qyrkúıek kúni Ózbekstan Respýblıkasynyń Tuńǵysh Prezıdenti Islam Karımov atyndaǵy ǵylymı -aǵartýshylyq memorıaldyq keshenine baryp, ondaǵy Tuńǵysh Prezıdent eskertkishine gúl shoqtaryn qoıdy, dep jazady Ózbekstannyń «ÓzA» memlekettik aqparattyq agenttigi.




«Memleket basshysynyń 2017 jyl 25 qańtardaǵy jarlyǵyna sáıkes, 2 qyrkúıek Tuńǵysh Prezıdentti eske alý kúni retinde atalyp ótedi. Tuńǵysh Prezıdentti eske alý sharasy aıasynda Islam Karımovtyń atyndaǵy memorıaldy kesheninde marqumnyń rýhyna arnalǵan Quran oqyldy. Shavkat Mırzııaev Táýelsizdiktiń 30 jyldyǵyna arnalǵan saltanatty rásimde Islam Karımov Ózbekstannyń táýelsizdigin jarııalap, tarıhymyzdyń eń qıyn jáne aýyr kezeńinde elimizdi basqarǵanyn atap ótken bolatyn. Eske alý sharasyna Ózbekstan Respýblıkasy «Olıı Majlıs» Senaty men Zań shyǵarý palatasy, Prezıdent Ákimshiligi, Mınıstrler Kabıneti, mınıstrlikter men vedomstvo ókilderi jáne astanalyq jurtshylyq qatysty. Budan bólek Islam Karımovtiń Samarqand pen Qarshydaǵy músinderine de gúl shoqtary qoıyldy», - dep jazady «ÓzA» aqparattyq agenttigi.














Túrkııanyń olımpıada oıyndaryna qaı jyly qatysqanyn bilesiz be? - TRT

1908 jyly olımpıadaǵa qatysqan gımnasshy Aleko Mýlos resmı túrde Túrkııa atynan olımpıadaǵa qatysqan alǵashqy sportshy boldy, dep jazady Túrkııa Radıo Televızııa portaly.

«Osman memleketi Afınada uıymdastyrylǵan 1906 jylǵy «Aralyq olımpıada» oıyndaryna sportshylar jibergen. Al 1908 jyly olımpıadaǵa resmı túrde Túrkııa atynan gımnastıkashy Aleko Mýlos qatysqan. Sondaı-aq, 1908 jyly búgingi Túrik Ulttyq olımpıadalyq komıtetiniń negizin quraıtyn Osman memleketi Ulttyq olımpıadalyq komıteti qurylady. Túrkııanyń Olımpıada tarıhynyń alǵashqy altyn medalin 1936 jyly Berlınde balýan ıAshar Erkan jeńip alady. Al sońǵy Tokıodaǵy Olımpıada-2020 Túrkııanyń 13 medalmen eń kóp medalǵa qol jetkizgen olımpıada oıyndary boldy.






Avtor Baqytjol Kákesh
Basty sózder: BAQ,
Joǵary qaraı