Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mońǵolııada mınıstr qazaq otbasynda tamaq jasap kórsetti - Sheteldegi qazaq tildi BAQ-qa sholý

2021 jyldyń 22 tamyz 2021 17:40

NUR-SULTAN. QazAqparat- «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Mońǵolııanyń Bilim, ǵylym mınıstri qazaq otbasyna «ózbek sorpa» jasap kórsetti - KAZNEWS

Mońǵolııanyń Bilim, ǵylym mınıstri L.Enhamgalan (Eńkamǵylyn-dep oqylady) shildeniń sońǵy aptasynda Baıan-Ólgeı aımaǵynda demalyp qaıtty, dep jazady mońǵolııalyq Kaznews aqparattyq portaly.

«Mınıstr L.Enhamgalan demalysy aıasynda Altaıdaǵy Bes boǵda (Tavan bogd) taýynda meken etetin D.Baıbolsynnyń úıinde qonaqta bolǵan. Taǵam jasaýǵa degen hobbıi bar mınıstr ózbektiń ulttyq taǵamy sorpa jasap kórsetken. Al úı ıesi D.Baıbolsynnyń áıeli M.Jantolqyn mınıstr qonaǵyna dombyramen qazaqtyń ásem ánin oryndap berdi», - dep jazady Kaznews portaly.


Álemdik qarjy ortalyǵynda jumys isteıtin bilikti qazaq azamaty CNR




Qytaıdyń teńiz jaǵalaýyndaǵy Shenchjen sekildi álemdik qarjy, ekonomıka, saýdanyń ortalǵy sanalatyn qalada qarjyger bolyp jumys isteý Elshat sekildi bilikti mamandardyń ǵana qolynan keledi, dep jazady Qytaılyq kazakcnr.com saıty.

Atalǵan BAQ-tyń jazýynsha, Shenchjen qalasy (Shēnzhèn) - Qytaıdaǵy alǵashqy qurylǵan arnaıy ekonomıkalyq aımaq. Ol qazirgi tańda damyp kele jatqan, iri qalalardyń biri. Dál osy iri qarjy ortalyǵynda qandasymyz, bilikti qarjyger Elshat Baýyrjanuly óz salasynda tabysty jumys istep júr. Onyń negizgi jumysy Shenchjen qalasyndaǵy iri kompanııalardyń aktsııalaryn naryqqa shyǵarýǵa jetekshilik etý. Bul joǵary kásibı bilimdi qajet etetin kúrdeli qarjy salasy.




«Elshat Baýyrjanuly Qytaıdyń Buratala oblysynyń Arasan aýdanynda týǵan. Ol qarjy mamandyǵy boıynsha Chendýdaǵy Ekonomıkalyq ýnıversıtette bakalavrıat jáne Juńshan ýnıversıtetinde magıstratýrada oqyǵan. Sonymen birge AQSh-tyń memlekettik tehnologııalyq Masachutes ýnıversıtetinde MBA (Іskerlik ákimshilik magıstri) bilim dárejesin alady. Bul Menedjment mektebi (MIT Sloan Management School)- álemdegi eń bedeldi bıznes mektepteriniń biri. Elshat AQSh-ta júrgende qarjy salasynyń úzdikterimen tanysady, sondaǵy kompanııalardyń NASDAQ aktsııalaryn naryqqa shyǵarý qyzmetterimen shuǵyldanady. Al Qytaı eline qaıtyp kelgennen keıin qarjy salasynda tabysty eńbek etip, óziniń biliktiligin odan saıyn dáleldeı túsedi. Ol qazirge deıin 14 kompanııanyń qarjy kapıtalyn tıimdi ınvestıtsııalap, qundy qaǵazdaryn naryqqa sátti shyǵaryp bergen. Sondaı-aq, Elshat qazirgi kúni ózi basqaryp otyrǵan qarjy kompanııasynyń kólemin keńeıtip, Beıjiń, Shanhaı, Gýanchjoý sekildi qalalarda damytýdy kózdep otyr», - dep jazady CNR.




Elshat BAQ-qa bergen suhbatynda, bolashaq qarjyger jas mamandar jan-jaqty, kóp qyrly bilimdi bolǵanda ǵana osy salady tabysty jumys jasaı alatynyn aıtqan. Onyń oıynsha, jastar osy salanyń bilikti mamany bolýy úshin, qarjy salasyn meńgerip qana qoımaı, ǵylym-tehnıka, IT, medıtsına sekildi túrli salalardan belgili deńgeıde habary bolýy qajet.




Tehranda «Qazaqstannyń jetistikteri» atty fotosýret kórmesi ótti - Fars




IIR-daǵy Qazaqstan elshiliginde QR Táýelsizdiginiń 30 jyldyǵyna oraı «Qazaqstannyń jetistikteri» atty fotosýret kórmesi ótti, dep habarlaıdy Irannyń Parstoday aqparat agenttigi.




Qazaqstan respýblıkasynyń Irandaǵy elshiliginiń keńesshisi Ǵamzat Haırov Pars Today aqparat agentigi tilshisine bergen suhbatynda: «Búgin biz ırandyq dostarymyzǵa, osynda turyp jatqan qandastarymyzǵa QR Táýelsizdiginiń 30 jyldyǵyna arnap fotosýret kórmesin uıymdastyrdyq. Kórmede saıası-ekonomıkalyq, tarıhı jáne mádenı taqyryptardaǵy sýretter, sonyń ishinde Qazaqstan damýynyń alǵashqy jyldaryndaǵy basty oqıǵalar men aıtýly kezdesýlerge qatysty fotoderekter, sondaı-aq Qazaqstan halqynyń birligin kórsetetin sýretter jurt nazaryna usynyldy. Sonymen qosa, biz bir beınebaıan kórsetip, Qazaqstannyń 30 jylda jetken jetistikterin sanamalap óttik», -dedi.







Ózbekstannyń eksporty men ımportynda úlesi joǵary 10 memleket - «ÓzA» aqparattyq agenttigi




Memlekettik statıstıka komıteti Ózbekstan men ekonomıkalyq baılanysy eń joǵary bolǵan TOP-10 memleketter reıtıngin jasady, dep jazady Ózbekstannyń «ÓzA» memlekettik aqparattyq agenttigi.

Atalǵan BAQ-tyń dereginshe, el eksportynda joǵary úleske ıe memleketter arasynda 1,3 mlrd dollarmen Qytaı kósh bastap tur. Tizimniń sońynda 103,7 mıllıon dollarmen Ýkraına oryn alǵan. Qytaı - 1,3 mlrd dollar; Reseı - 1 mlrd dollar; Túrkııa - 988,5 mıllıon dollar; Qazaqstan - 655,1 mıllıon dollar; Qyrǵyz Respýblıkasy - 413,1 mıllıon dollar; Aýǵanstan - 404,6 mıllıon dollar; Tájikstan - 242,1 mıllıon dollar; Iran - 114,4 mıllıon dollar; Kanada - 109,3 mıllıon dollar; Ýkraına - 101,7 mıllıon dollar.

Al, sońǵy 7 aıda Ózbekstan ımportynda joǵary úleske ıe bolǵan elder arasynda Qytaı men Reseı alda keledi. Qytaı - 2,7 mlrd dollar; Reseı - 2,7 mlrd dollar; Qazaqstan - 1,6 mlrd dollar; Koreıa - 1,0 mlrd dollar; Túrkııa - 885,8 mıllıon dollar; Germanııa - 380,9 mıllıon dollar; Úndistan - 274,6 mıllıon dollar; Túrkimenstan - 250,9 mıllıon dollar; Italııa - 238,8 mıllıon dollar; Ýkraına - 232,9 mıllıon dollar. Derekke qaraǵanda 2021 jyldyń qańtar-shilde aılarynda Ózbekstan ımportynyń jalpy kólemi 13,4 mıllıard dollardy quraǵandyǵy aıtylǵan.

Oljas Súleımenov «Sharaf» ordenimen marapattaldy - TRT




Ázerbaıjan Prezıdenti Ilham Álıev qazaqtyń kórnekti aqyny Oljas Súleımenovti «Sharaf» ordenimen marapattady, dep habarlaıdy Túrkııa Radıo Televızııa portaly.

«Qabyldaý barysynda prezıdent Ilham Álıev Oljas Súleımenovti Ázerbaıjan halqynyń úlken dosy, baýyrlas Qazaqstan mádenıetiniń iri ókili, qoǵam qaıratkeri retinde biletinin atap ótti. Sonymen birge aqynnyń barlyq máselede óziniń prıntsıpti ustanymyn bildirip, Ázerbaıjanǵa árqashan qoldaý kórsetkenin basa jetkizdi.

Al óz kezeginde belgili aqyn ázirbaıjandyq «Sharaf» ordenimen marapattalǵanyn maqtan tutatynyn atap ótip, Ilham Álıevke rızashylyǵyn bildirdi.

Atalmysh orden Ázerbaıjan respýblıkasyna aıryqsha eńbek sińirgen tulǵalarǵa ekonomıka, ǵylymı-tehnıkalyq damýǵa, qoǵamdyq-mádenı progreske qosqan úlesi úshin, ǵylym, mádenıet, ádebıet, óner, aǵartý jáne densaýlyq saqtaý salasynda eren eńbegi úshin beriledi. Bul marapat sheteldikterden Túrkııa Prezıdenti Súleıman Demırelge, Reseı patrıarhy Kırıllge, Eýropa olımpıada komıtetteriniń prezıdenti Patrık Hıkkıge, Reseı opera ánshisi Tamara Sınıavskaıaǵa, TASS agenttigi bas dırektorynyń birinshi orynbasary Mıhaıl Gýsmanǵa berilgen.

Oljas Súleımenovtiń óleńderi men poemalary aǵylshyn, frantsýz, nemis, ıspan, cheh, polıak, slovak, bolgar, majar, mońǵol, qyrǵyz, túrik jáne basqa da tilderge aýdarylǵan», - dep jazady TRT.

Úkimet basshysynyń orynbasary issaparmen Baıan-Ólgeı aımaǵynda boldy - KAZNEWS




Mońǵolııanyń Úkimet basshysynyń orynbasary, memlekettik Tótenshe komıssııanyń basshysy S.Amarsaıhan issaparmen Baıan-Ólgeı aımaǵynda boldy, dep jazady mońǵolııalyq Kaznews aqparattyq portaly.

«Úkimet basshysynyń orynbasary eń aldymen aımaqtyq Tótenshe komıssııa múshelerimen kezdesý ótkizip, birqatar tapsyrmalar berdi. Aımaq ákimi Baýyrjan Dáleluly Úkimet basshysynyń orynbasary S.Amarsaıhanǵa 10 tamyzda ǵana Memlekettik tótenshe komıssııanyń sheshimi boıynsha Densaýlyq saqtaý mınıstrliginiń qoldaýymen qýaty táýligine 20 ballondy ottegimen toltyratyn qondyrǵynyń iske qosylýy naýqastarǵa otteginiń jetispeýshilik máselesi sheshilgeni týraly baıandady.

Sonymen qatar, aımaqtyq Birikken aýrýhanada pandemııaǵa qarsy qoldanylýǵa arnalǵan dári-dármektiń 10 kúndik qory qalǵanyn málimdep, rentgen apparaty men arnaıy jabdyqtalǵan avtokólikpen qamtamasyz etý máselesin qoıyp Úkimet basshysynyń orynbasary tarapynan qoldaý tapty.

Baıan-Ólgıı aımaǵynda koronavırýs indetiniń órshýine baılanysty 15 tamyzdan bastap 24 tamyzǵa deıin 10 kúndik karantın rejımi jarııalanǵan bolatyn. Búginge deıin aımaqta atalmysh indetti juqtyrǵandardyń sany 5934 ke jetip, 344 adam em qabyldap, 1778 adam úılerinde oqshaýlanýda. Іssapar aıasynda úkimet basshysynyń orynbasary aımaqta iske asyrylyp jatqan birqatar ınvestıtsııalyq jáne áleýmettik jobalarmen tanysty», - dep jazady Kaznews portaly.



Avtor Baqytjol Kákesh
Basty sózder: Qoǵam, BAQ,
Joǵary qaraı