Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Moıynqumdyqtar Qyzylorda oblysyna 1 vagon shóp jiberdi

2021 jyldyń 13 tamyz 2021 14:57

TARAZ. QazAqparat – Jambyl oblysy Moıynqum aýdanynan Qyzylorda oblysyna 1000 teń shóp jóneltildi, dep habarlaıdy QazAqparat tilshisi.

Moıynqum aýdanynyń ákimi Máden Musaevtyń qoldaýymen jáne Qarabóget aýyldyq okrýginiń ákimi Baǵdat Satybaldıevtiń uıymdastyrýymen Qyzylorda oblysy, Sekseýil aýylyna 1 vagon (1000 teń) shóp jóneltildi.

Bul ilkimdi iske erekshe atsalysqan Qarabóget aýyldyq okrýgine qarasty Qumózek aýylynyń «Maqpal» sharýa qojalyǵynyń jetekshisi Nurjan Baıuzaqov pen «Aıtjan» sharýa qojalyǵynyń jetekshisi Jaras Saýlebaevtyń eńbekteriniń kóp ekenin aıta ketken jón.

«Moıynqum – shóbi shúıgin, tastaı salǵan taıaǵy tamyrlanǵan tal bop ósetin topyraǵy qunarly naǵyz shóptiń otany deýge bolady. Asan qaıǵy babamyzdyń «…Jeti jyl qatarynan jut kelse de asha tuıaq mal qalsa seniń baýyryńda qalady eken» dep joǵary baǵa berýide sondyqtan bolar. Qazir elimizde bolyp jatqan qýańshylyqta «malym janymnyń sadaǵasy» dep mal azyǵy úshin janyn shúberekke túıip, shópten tarshylyq kórip otyrǵan aımaqtar qatary azaıar emes. Olarǵa Úkimettiń jáne jany jomart jeke kásipkerlerdiń qoldaýymen respýblıkamyzdyń túkpir-túkpirinen kóptegen kómekter kórsetilýde. Bul turǵyda qashanda qaıyrymdy istiń qatarynan qalmaıtyn moıynqumdyqtar da belsendilik tanytýda», - deıdi aýdan ákimi.


Joǵary qaraı