Aýa raıy
Astana 24 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Muǵalim rýhanı jáne tehnologııalyq ózgeristerdiń shyńynda bolýy kerek – Erlan Saırov

2019 jyldyń 16 qazan 2019 16:02

KÓKPEKTІ. QazAqparat - Ulttyq qoǵamdyq senim keńesiniń múshesi Erlan Saırov Shyǵys Qazaqstan oblysynyń turǵyndarymen Prezıdent Joldaýyn talqylady, dep habarlaıdy QazAqparat tilshisi.

Shyǵys Qazaqstan oblysynyń ishki saıasat basqarmasy men Eýrazııa ıntegratsııa ınstıtýty birlesip uıymdastyrǵan jıyn Kókpekti aýdany ákimdiginiń konferents-zalynda ótti.

Aıtyp ótkenimizdeı, sharaǵa Qazaqstan respýblıkasy Prezıdenti janyndaǵy Ulttyq qoǵamdyq senim keńesiniń múshesi Erlan Saırov qatysty.

Memleket basshysy óz Joldaýynda atap kórsetken negizgi basymdyqtar týraly keńinen áńgimelegen Erlan Saırov elimizdegi shekaralyq aýdandardy damytý, kópbalaly otbasylardy baspanamen qamtý, jastarǵa sapaly bilim berý sııaqty máselelerge toqtaldy. Sonymen qatar saıasattanýshy Ulttyq senim keńesi tarapynan naqty qandaı jumystar júrgizilip jatqanyn aıtyp berdi.

«El Prezıdenti Qasym-Jomart Toqaev pedagogtardyń áleýmettik mártebesin kóterýdi basym baǵyttyń biri retinde atap ótti. Zaman ózgerip jatyr, soǵan sáıkes bizdiń dúnıetanymymyz da ózgere bastady. Osyndaı kezeńde eń jaýapty ári mańyzdy mindet muǵalimge júkteledi. Óıtkeni ustazdar qaýymy bolashaq urpaqtyń dúnıetanymyn qalyptastyryp, bilimmen sýsyndatady. Muǵalim rýhanı jáne tehnologııalyq ózgeristerdiń shyńynda bolýy kerek», – dep atap ótti Erlan Saırov.

Joǵary qaraı