Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Múgedek jandarǵa arnalǵan mamandyqtar atlasyna kim qatysa alady

2020 jyldyń 17 qazan 2020 16:54

NUR-SULTAN. QazAqparat – Jyl sońyna deıin múgedektigi bar adamdarǵa usynylatyn mamandyqtar atlasy jobasy ázirlenedi. Qazirgi tańda múmkindigi shekteýli azamattardan usynys jınalyp jatyr. Bul týraly QR Eńbek jáne halyqty áleýmettik qorǵaý mınıstrligi áleýmettik qyzmetter saıasatyn damytý departamenti dırektorynyń orynbasary Syrym Násı málimdedi, dep habarlaıdy QazAqparat tilshisi.

«Qazirgi ýaqytta QR Eńbek jáne halyqty áleýmettik qorǵaý mınıstrligi BUU Damý Baǵdarlamasymen birlesip, múgedektigi bar adamdar úshin usynylatyn mamandyqtar Atlasyn ázirleýde. Maqsaty – múgedek adamdardy arnaıy kýrstarda oqytyp, jumysqa ornalastyrý. Atlasty ázirleý jáne engizý merzimi aǵymdaǵy jyldyń sońyna deıin qarastyrylǵan. Jobany elimizdiń ár qala, aýdan, aýyldarynda júzege asyrý kózdelip otyr. Atlas aıasynda usynylatyn mamandyqtar 3 myńǵa jýyq kásipti qamtıdy. Oǵan ınjener-jobalaýshy, medıtsınalyq dıagnostıka zerthanashysy, sýretshi-bezendirýshi, anımator, ekonomıst, tiginshi, baǵban, advokat, oqytýshy, ádisker, zań salasynyń keńesshileri, qor naryǵynyń taldaýshysy, satýshy, býhgalter jáne ózge de mamandyqtar enetin bolady», - dedi Syrym Násı.

Onyń aıtýynsha, QR Eńbek jáne halyqty áleýmettik qorǵaý mınıstrligi jobaǵa qatysý úshin múgedek adamdardy iriktemeıdi.

Atlastyń tujyrymdamasyna sáıkes, jumys izdeý barysynda eńbekke qabiletti jastaǵy jáne qyzmetke ornalasýǵa qarsy kórsetilimderi joq barlyq múgedektigi bar adamdar qamtylady.

«Búginde Atlas tujyrymdamasy aıasynda jumys berýshiler men múgedektigi bar adamdardan usynystar jınaý jumystary júrgizilýde. Sondaı-aq, qoldanystaǵy normalarǵa sáıkes, múmkindigi shekteýli adam jumysqa ornalasqan jaǵdaıda múgedektigi boıynsha aı saıynǵy áleýmettik járdemaqy tóleý jalǵasa beredi», - dep atap ótti áleýmettik qyzmetter saıasatyn damytý departamenti dırektorynyń orynbasary Syrym Násı.

QR Eńbek jáne halyqty áleýmettik qorǵaý mınıstrligi Atlasty ázirleý barysynda Ulybrıtanııa, Avstralııa, Reseı, Germanııa, Sıngapýr jáne Ońtústik Koreıa elderiniń tájirıbesin negizge alǵan.

Joǵary qaraı