Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Múgedekterge nysandardy beıimdeý jumysyna qoǵamdyq baqylaý kúsheıtiledi

2021 jyldyń 23 qarasha 2021 17:37

NUR-SULTAN. QazAqparat – Múgedekterge nysandardy beıimdeý jumysyna qoǵamdyq baqylaý kúsheıtiledi. Bul jaıynda QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıteti tóraǵasynyń orynbasary Anarhan Dúısenova aıtty, dep habarlaıdy QazAqparat tilshisi.

Anarhan Dúısenova Ortalyq kommýnıkatsııalar qyzmetindegi baspasóz máslıhatynda múgedektigi bar adamdarǵa nysandardy beıimdeý monıtorıngin qoǵamdyq baqylaý boıynsha toptardyń jumysy jandandyrylǵanyn atap ótti. Onyń dereginshe, óńirlerdegi monıtorıngtik toptar 4 myń nysanda beıimdelý sapasyna baǵalaý júrgizip, 3 569 usynym beridi. Anyqtalǵan buzýshylyqtardy joıý boıynsha 1 447 hat joldanyp, 29 uıǵarym jasaldy.

Sondaı-aq, jiberilgen zań buzýshylyqtar úshin ákimshilik jaýapkershilikti anyqtaý tártibi Ákimshilik quqyq buzýshylyq týraly kodeks arqyly rettelgenin aıtady. Atap aıtqanda, áleýmettik jáne kólik ınfraqurylymy nysandaryna qoljetimdilikti qamtamasyz etpeý, sondaı-aq mádenı oıyn-saýyq is-sharalaryna múgedektigi bar adamdardyń qol jetkizýi úshin jaǵdaılardy qamtamasyz etpeý laýazymdy tulǵalarǵa 50, shaǵyn kásipkerlik sýbektilerine nemese kommertsııalyq emes uıymdarǵa 120, orta kásipkerlik sýbektilerine 200, iri kásipkerlik sýbektilerine 400 aılyq eseptik kórsetkish mólsherinde aıyppul salýǵa ákep soqtyrady.

«Aıyppuldar somasy baqylaý sýbektileriniń mártebesine baılanysty 145,8 myńnan 1 mln 166,8 myń teńgege deıin ózgeredi. 1 jyl ishinde ákimshilik jaza qoldanylǵannan keıin zań buzýshylyq qaıta anyqtalǵan jaǵdaıda laýazymdy tulǵalarǵa 80 AEK, shaǵyn kásipkerlik sýbektilerine nemese kommertsııalyq emes uıymdarǵa 150 AEK, orta kásipkerlik sýbektilerine 250 AEK, iri kásipkerlik sýbektilerine 600 AEK mólsherinde aıyppul salynady», – dedi ol.


Joǵary qaraı