Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Múgedektigi bar adamdarǵa kútim kórsetýshilerge jańa járdemaqy qashan beriledi

2021 jyldyń 27 qyrkúıek 2021 18:42

NUR-SULTAN. QazAqparat – Eńbek jáne halyqty áleýmettik qorǵaý mınıstri Serik Shápkenov múgedektigi bar adamdarǵa kútim kórsetýshilerge jańa járdemaqy qashan engiziletinin aıtty, dep habarlaıdy QazAqparat tilshisi.

Úkimette ótken onlaın baspasóz máslıhatynda I toptaǵy múgedektigi bar adamdarǵa kútim kórsetýshilerge jańa járdemaqy túri qashan engiziletini týraly suraldy.

«Atalǵan máselege qatysty zańdy Senat qabyldap, Memleket basshysynyń qol qoıýyna joldandy. Aldaǵy ýaqytta qajetti zańǵa táýeldi aktilerdi qabyldaý kerek, ıaǵnı biz olardy daıarlap qoıdyq. Meniń oıymsha, bir aı ishinde tólemdi jasaıtyn bolamyz. Osy baǵyttaǵy qarajat bıýdjette qarastyrylǵan», - dedi Serik Shápkenov.

Budan buryn habarlanǵandaı, Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» Zańy ekinshi oqylymda qabyldandy.

Zań jobasynyń basty maqsattarynyń biri - múgedektigi bar adamdardy, múgedektigi bar bala tárbıelep otyrǵan otbasylardy, eńbek ardagerlerin jáne azamattardyń ózge de jekelegen sanattaryn áleýmettik qorǵaý jónindegi zańnamany jetildirý.



Avtor Rýslan Ǵabbasov
Basty sózder: QR Úkimeti, Zań, Járdemaqy, Qoǵam,
Joǵary qaraı