Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Múgedektigi jáne asyraýshysynan aıyrylý jaǵdaıy boıynsha járdemaqylar bir mezgilde berilmek

2021 jyldyń 16 qyrkúıek 2021 09:58

NUR-SULTAN. QazAqparat – Múgedektigi jáne asyraýshysynan aıyrylý jaǵdaıy boıynsha járdemaqylar bir mezgilde berilýi múmkin. Bul týraly Senattyń jalpy otyrysynda azamattardyń jekelegen sanattaryn áleýmettik qorǵaý máseleleri boıynsha zań jobasyn birinshi oqylymda talqylaý kezinde QR Eńbek jáne halyqty áleýmettik qorǵaý mınıstri Serik Shápkenov málim etti, dep habarlaıdy QazAqparat tilshisi.

Bul asyraýshysynan aıyrylǵan jáne quramynda múmkindigi shekteýli balalary bar otbasylardyń tabys deńgeıin arttyrýǵa múmkindik beredi.

«Qazirgi ýaqytta múgedektigi bar bala ata-analary ajyrasqan kezde bir mezgilde alıment pen múgedektigi boıynsha járdemaqy alady. Alaıda, ata-anasynyń (asyraýshy) biri nemese ekeýi de qaıtys bolǵan jaǵdaıda, bala tek múgedektigi boıynsha járdemaqy nemese asyraýshysynan aıyrylý boıynsha járdemaqy alady. Járdemaqynyń eki túrin bir mezgilde taǵaıyndaý ata-anasynan aıyrylǵan balalarǵa qatysty kemsitetin normany alyp tastaýǵa múmkindik beredi. Osy norma engizilgen jaǵdaıda 2 myńnan astam bala múgedektigi boıynsha járdemaqymen qatar (mólsheri 41 163 – ten 48 023 teńgege deıin), asyraýshysynan aıyrylý jaǵdaıy boıynsha járdemaqyny ala alady (mólsheri 12 063-ten 29 500 teńgege deıin)», – dep túsindirdi mınıstr.

Budan buryn habarlanǵandaı, I toptaǵy múgedektigi bar adamdarǵa kútim kórsetýshilerge jańa járdemaqy túri engiziledi.



Joǵary qaraı