Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Muhtar Qul-Muhammed: EAEO aıasynda qazaqstandyq kásipkerlerdi shekteý azaımaı tur

2020 jyldyń 24 qyrkúıek 2020 11:09

NUR-SULTAN. QazAqparat – Senator Muhtar Qul-Muhammed Eýrazııalyq ekonomıkalyq odaqtyń problemalaryn kóterdi. Onyń aıtýynsha, Qazaqstan taýarlaryn Reseıdiń federaldyq sheneýnikteriniń qazaqstandyq kásipkerlerdi shekteýi azaımaı tur, dep habarlaıdy QazAqparat tilshisi.

«Bul bizdiń Elbasynyń bastamasymen qurylǵan óte qajet ekonomıkalyq, taýarlardy syrtqa shyǵarýǵa múmkindik beretin, ıntegratsııany kúsheıtetin odaq. Sóıte tura bul odaqtyń problemasy azaımaı otyr. Dál osy zalda Senat tóraǵasy bolyp otyrǵan kezde Qasym-Jomart Kemeluly Syrtqy ister mınıstrligine birneshe eskertý jasaǵan edi. Atap aıtar bolsaq, onyń ishinde mynaý odaqtaǵy túrli hattamalarǵa jıi-jıi ózgerister engizile beredi. Qajetti bolsa da, bolmasa da... Túsirilgen ózgerister eki eldiń Parlamentiniń qos palatasy qarap, olarǵa biz únemi tolyqtyrýlar engizip otyramyz. Sóıte tura Qazaqstannyń kórshi elderge shyǵarylatyn taýarlaryn sol eldegi federaldyq sheneýnik dárejesindegi adam toqtatyp tastaıdy», - dedi senator Senat otyrysynda.

Onyń aıtýynsha, eki memlekettiń basshysy qol qoıatyn bolsa, eki eldiń Parlamenti qaraıtyn bolsa, ony bir federaldyq sheneýnik toqtatyp tastasa, «munyń qandaı zań bolǵany».

Bul suraqqa jaýap bergen Syrtqy ister mınıstriniń orynbasary Marat Syzdyqov atalmysh máselege Saýda jáne ıntegratsııa mınıstrligi jaýapty ekenin aıtyp ótti.

«Olar – eýrazııalyq ıntegratsııany júrgizetin jetekshi organ. Biz EAEO-nyń jumysynyń saıasılanyp ketpeýine jaýaptymyz. Integratsııa jáne ekonomıkalyq odaq máselesi – tiri protsess. Keıbir máselelerdi aldyn ala bilý múmkin emes. Jumys jáne kelissóz barysynda qashan da jańa jaǵdaılar paıda bolyp, zańǵa qandaı da bir ózgeristerdi engizýdi talap etip jatady», - dedi ol.

Aıan Bekenuly


Joǵary qaraı