Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Muhtar Tileýberdi Brıýsselde Eýroparlament depýtattarymen kezdesti

2021 jyldyń 10 mamyr 2021 20:28

BRıÝSSELЬ. QazAqparat – QR Premer-Mınıstriniń orynbasary - Syrtqy ister mınıstri Muhtar Tileýberdi Brıýsseldegi sapary týraly QazAqparattyń Belgııadaǵy tilshisine málimet berdi.

Brıýsselde Muhtar Tileýberdi Eýroparlament depýtattarymen jáne Eýropalyq odaqtyń adam quqyqtary jónindegi arnaıy ókilimen kezdesý ótkizgen. QR Syrtqy ister mınıstri eýropalyq áriptesterimen byltyr naýryzda EO-ǵa qatysýshy elder ratıfıkatsııalaǵan Keńeıtilgen seriktestik jáne yntymaqtastyq týraly kelisimniń oryndalý barysyn talqylady.

«Biz aldaǵy josparymyzdyń negizgi baǵyttaryn belgiledik, áriptestik tetikteri anyqtaldy. Basqa da ekonomıkalyq yntymaqtastyq máseleleri, halyqaralyq arenadaǵy ózara áreketterimiz, sondaı-aq adam quqyqtary saqtaý salasyndaǵy ózara is-qımyl talqylandy. Men Eýroparlamentte arnaıy kezdesýler ótkizdim. Halyqaralyq ister komıtetiniń tóraǵasy Devıd Makalıstermen jáne basqa Eýroparlament depýtattarymen suhbat qurdym. Eýropalyq odaqtyń adam quqyqtary jónindegi arnaıy ókili Imon Gılmormen jeke kezdesý ótti.

Birinshi kezekte, men bizdiń eldegi adam quqyqtary salasyndaǵy ahýal týraly jáne Qazaqstan Prezıdenti Qasym-Jomart Toqaevtyń demokratııalyq reformalary týraly aqparat berdim. Menimen áńgimeleskenderdiń bári Memleket basshysy usynǵan saıası-quqyqtyq reformalardyń úshinshi paketine erekshe qyzyǵýshylyǵyn tanytty», - dedi mınıstr.

Vedomstvo basshysynyń sózine qaraǵanda, Eýroodaq ókilderi Qazaqstannyń demokratııalyq qoǵam qurýǵa baǵyt alǵanyn quptap otyr.

«Olar osy baǵytta ózara is-qımyl jasaýǵa daıyn ekendikterin bildirdi. Sondaı-aq, eýropalyq seriktestermen pandemııamen kúres máselesindegi yntymaqtastyq sharalaryn talqyladyq. Eýropalyq tarapty Qazaqstan koronavırýsqa qarsy «QazVac» atty óz vaktsınasyn shyǵarǵanyn, qazir ol Dúnıejúzilik densaýlyq saqtaý uıymynyń tirkeýinen ótip jatqanynan habardar ettim. Bul da EO-daǵy seriktesterimizdiń zor qyzyǵýshylyǵyn týǵyzdy», - dedi Muhtar Tileýberdi.


Joǵary qaraı