Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Muhtar Tileýberdi QR Prezıdentiniń keńesshisi Ser Sýma Chakrabartımen kezdesti

2020 jyldyń 23 qazan 2020 20:44

NUR-SULTAN. QazAqparat - QR Syrtqy ister mınıstri Muhtar Tileýberdi Reformalar jónindegi joǵary keńes tóraǵasynyń orynbasary - QR Prezıdentiniń keńesshisi Ser Sýma Chakrabartımen kezdesti, dep habarlaıdy QR SІM baspasóz qyzmeti.

Áńgime barysynda SІM basshysy suhbattasýshyǵa EQDB-daǵy prezıdenttik kezinde jan-jaqty qoldaý kórsetkeni jáne QR Prezıdenti janyndaǵy Sheteldik ınvestorlar keńesinde teń tóraǵalyq etkeni úshin alǵys aıtty. Mınıstr S.Chakrabartıdiń baǵa jetpes tájirıbesi elimizdiń odan ári serpindi áleýmettik-ekonomıkalyq damýyna aıtarlyqtaı úles qosatynyna senim bildirdi.

M.Tileýberdi suhbattasýshyny dıplomatııany ekonomızatsııalaý jáne COVID-19 jaǵdaıynda sheteldik ınvestıtsııalardy tartý boıynsha júrgizilip jatqan jumystar týraly habardar etti.

Óz kezeginde S. Chakrabartı Qazaqstan Eýrazııa óńirindegi kapıtal salý úshin eń tartymdy elderdiń biri bolyp qala beretinin atap ótti. Ol QR Prezıdenti Qasym-Jomart Toqaev usynǵan josparlanǵan ózgeristerdiń mańyzdylyǵy men ýaqtylyǵyn atap ótti.

Kezdesý qorytyndysy boıynsha jemisti dıalog pen birlesken yntymaqtastyqty jalǵastyrý týraly ýaǵdalastyqqa qol jetkizildi.


Basty sózder: QR SІM, Qazaqstan Prezıdenti,
Joǵary qaraı