Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Muqtaj almatylyqtardyń kommýnaldyq qyzmetke 80 mıllıon teńge qaryzy keshirildi

2021 jyldyń 20 qańtar 2021 11:30

ALMATY. QazAqparat - Almaty ákimi Baqytjan Saǵyntaevtyń tapsyrmasy boıynsha muqtaj qalalyqtardyń jekelegen sanattaryn qoldaý maqsatynda kommýnaldyq qyzmetter boıynsha qaryzdary keshirildi, dep habarlaıdy QazAqparat tilshisi.

Bul shara halyqtyń áleýmettik osal toptaryna jatatyn qalalyqtarǵa qatysty uıymdastyryldy.

Qalanyń «ALTS» jáne «Almaty Sý» kommýnaldyq kásiporyndary jergilikti bıýdjettiń esebinen tólengen jylýdyń, ystyq jáne sýyq sýdyń debıtorlyq qaryzdaryn esepten shyǵardy.

5 055 adamnyń bereshegin qaıtarý úshin bıýdjetten 79,9 mln teńge jumsalady:

- 11 Uly Otan soǵysyna qatysýshy men soǵys múgedekteriniń - 78 061 teńge;

- 840 eńbek maıdanyna qatysýshynyń - 4 659 507 teńge;

- 115 Uly Otan soǵysyna qatysýshy men soǵys múgedekterine teńestirilgenderdiń - 1 520 764 teńge;

- basqa memleketterde bolǵan soǵystardyń 49 ardageriniń - 1 881 004 teńge;

- 462 kámeletke tolmaǵan 4 nemese odan kóp balalary bar kópbalaly otbasylardyń - 15 898 519 teńge;

- 2 709 birinshi, ekinshi jáne úshinshi toptaǵy múgedekterdiń - 37 619 113 teńge;

- 224 ataýly áleýmettik kómek alatyn adamnyń - 6 735 501 teńge;

- 211 eń tómengi jáne odan tómen zeınetaqy alatyn zeınetkerdiń - 7 770 687 teńge;

- 346 múgedek bala tárbıelep otyrǵan otbasynyń - 2 438 187 teńge;

- 88 asyraýshysynan aırylǵany úshin járdemaqy alatyn otbasynyń 1 271 369 teńge kóleminde kommýnaldyq bereshegi keshirildi.


Joǵary qaraı