Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Múlik ıeleriniń birlestigin qalaı qurýǵa bolady: Almaty ákimdigi túsindirdi

2021 jyldyń 21 qańtar 2021 18:23

ALMATY. QazAqparat - Qazaqstanda turǵyn úı-kommýnaldyq sharýashylyq máseleleri jónindegi zań kúshine endi. Qala turǵyndary PIK ornyna kondomınıým obektisin basqarýdyń jańa nysanyn, ıaǵnı múlik ıeleriniń birlestigin nemese kóppáterli úıdiń jaı seriktestigin tańdaýǵa mindetti. Bul týraly Almaty qalasy turǵyn úı saıasaty basqarma basshysy orynbasarynyń mindetin atqarýshy Jandos Qaıyrhanov onlaın brıfıng barysynda aıtty, dep habarlaıdy QazAqparat tilshisi.

Búgingi kúni arnaıy qurylǵan mobıldi toptar 6700 kóppáterli turǵyn úıdi qamtıtyn 2400-ge jýyq kezdesý ótkizdi: 235 MÁS tirkeldi jáne basqarýdyń jańa formasy retinde 325 qarapaıym seriktestikter tańdaldy.

«Qoldanystaǵy zańnamaǵa túzetýler 2020 jyldyń 7 qańtarynda engizildi. Al zańǵa táýeldi aktiler 2020 jyldyń naýryz-sáýir aılarynda bekitildi. Osyǵan baılanysty qoldanystaǵy zańnamaǵa engizilgen ózgerister men tolyqtyrýlardy iske asyrý jónindegi jol kartasy qabyldandy. 2020 jyldyń 31 jeltoqsanyna deıingi merzimge páterler, turǵyn emes úı-jaılar menshik ıeleriniń jınalystaryn ótkizý kestesi bekitildi jáne jańa nysandarǵa kóshý suraqtary boıynsha turǵyndarǵa keńes berý men jınalystardy ótkizý úshin ár aýdan boıynsha aýdan ákimdikteriniń, Turǵyn úı saıasaty basqarmasynyń mamandarynan turatyn mobıldik toptar quryldy», - deıdi Jandos Qaıyrhanov.

Onyń aıtýynsha, endi árbir úıdiń óz tekserý komıssııasy bolady.

Burynǵy zań boıynsha PIK jumysyna turǵyndardan kóp aryz, shaǵym túsken. Negizinen qarjy jaǵynan bolypty, ıaǵnı ashyqtyq bolmaǵan.

«Buryn bir PIK-ke júzdegen úı qarasa, sonyń barlyǵyna bir shot qana bolǵan. Onyń ústine turǵyndar ýaqytyly esep ala almaǵan. Sondyqtan tólengen tólemderdiń qaıda ketip jatqanyn bilmegen. Sol sebepti bul zańǵa ózgerister engizildi. Endi árbir úıde aǵymdaǵy shot jáne jınaq shoty bolady. Aǵymdaǵy shot qazirgi jumystarǵa, al jınaq shoty keleshekte bolatyn kúrdeli jumystarǵa arnalady. Jańa zańǵa sáıkes turyǵyndardyń kúrdeli jóndeý jumysyn júrgizý boıynsha birneshe joly bar. Ol jınaq shoty, eger onda qarajat bolmasa memlekettik baǵdarlamaǵa qatysa alady. Sondaı-aq ekinshi deńgeıli bankterden nesıe alý arqyly úıge kúrdeli jóndeý jumysyn júrgize alady», - dedi ol.

Sonymen qatar, ol múlik ıeleriniń birlestigin qalaı qurýǵa bolatynyn túsindirdi.

«Bul baǵytta belsendi jumystar júrgizilýde. Algorıtm boıynsha turǵyndar ózderi jınalys ótkize alady, onyń barysynda MIB basqarý nysanyn tańdaý týraly sheshim qabyldaıdy. Sonymen birge sheshim qabyldaý úshin páter ıeleriniń jalpy sanynyń jartysynan kóbi qatysýy qajet. Sheshim qatysýshylardyń kópshilik daýsymen, ıaǵnı 26% -dan kem emes daýyspen qabyldanady»,- deıdi spıker.

Aıta ketý kerek, ákimdik qazirgi kúrdeli epıdemıologııalyq jaǵdaıdy eskere otyryp, qala turǵyndaryna jazbasha saýalnamaǵa kóshý, áleýmettik jeliler men messendjerler arqyly pikirtalas júrgizýdi usyndy


Joǵary qaraı