Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Múlik salyǵyn tóleý merzimi 1 qazanda aıaqtalady

2021 jyldyń 15 qyrkúıek 2021 09:41

QARAǴANDY. QazAqparat – 1 qazanǵa deıin jeke tulǵalar 2020 jylǵa múlik salyǵyn tóleýi qajet. Salyq tólemderi boıynsha eseptelgen somany nemese bereshekti qaıda tekserý kerektigi týraly Qaraǵandy oblysy boıynsha memlekettik kirister departamenti basshysynyń orynbasary Qanat Baltabekov óńirlik kommýnıkatsııalar qyzmeti platformasynda ótken onlaın brıfıngte aıtyp berdi, dep habarlaıdy QazAqparat tilshisi.

«Salyq kodeksine engizilgen ózgeristerge sáıkes jer jáne jyljymaıtyn múlik salyǵy bir múlikke biriktirilgen», – dep atap ótti spıker.

Múlik salyǵynyń somasyn qaıdan bilýge bolady:

- Memlekettik kirister komıtetiniń saıtynyń «elektrondy servıster» bóliminde;

- E-salyq Azamat mobıldi qosymshasynan – «aldaǵy tólemder» servısi (qosymshany App Store nemese Play Market-ten júkteýge bolady);

- bankterdiń mobıldi qosymshasynan (Kaspi.kz, Homebank).

Sondaı-aq, spıker 2020 jylǵa múlik salyǵyn tóleý merzimi 1 qazanda aıaqtalatynyn eske saldy.




«Halyqqa yńǵaıly bolýy úshin Memlekettik kirister organdarynda 1414 nómiri boıynsha baılanys ortalyǵy jumys isteıdi. Ortalyqqa múlik salyǵy boıynsha da júginýge bolady. Salyqtardy Ekinshi deńgeıdegi bankter nemese tólem termınaldary arqyly, sondaı-aq Qazposhta bólimshelerinde tóleýge bolady. Óz salyq mindettemelerimizdi ýaqytyly (2021 jyldyń 1 qazanyna deıin) oryndaýǵa shaqyramyz», – dedi Qanat Baltabekov oblys turǵyndaryna.





Joǵary qaraı