Aýa raıy
Astana -17 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Múmkindigi shekteýli tulǵalardyń barlyǵyna ETsQ alý qajet

2020 jyldyń 27 qazan 2020 03:38

QARAǴANDY. QazAqparat – Qazaqstanda jańa jyldan bastap múmkindigi shekteýli tulǵalarǵa arnalǵan barlyq qyzmetter men tehnıkalyq ońaltý quraldaryn satyp alý elektrondyq formatqa kóshedi dep josparlanýda. Áleýmettik qyzmetter portalynda olardy óz betinshe satyp alý qajet. Ol elektrondyq tsıfrlyq qoltańba bolýy tıis, dep habarlaıdy QazAqparat tilshisi.

Qaraǵandy oblysy ákimdiginiń onlaın rejıminde ótken apparat keńesinde erekshe qajettilikteri bar adamdardy áleýmettik qoldaý máselesi talqylandy.

Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásem Júnispekova habarlaǵandaı, bıyl osy maqsattarǵa oblystyq jáne respýblıkalyq bıýdjetten qarjylandyrý ulǵaıtyldy. Ońaltý quraldaryna muqtaj adamdar úshin sýrdo- jáne tıflotehnıkalyq, protezdik-ortopedııalyq buıymdar, kreslo-arbalar satyp alyndy. Gıgıenalyq quraldar da beriledi.

Shıpajaı-kýrorttyq emdeýdi 4 119 adam paıdalandy, jyl sońyna deıin taǵy 476 adam joldanatyn bolady. Jeke kómekshiniń qyzmetin 3 069 adam, ymdaý tili mamanynyń qyzmetin - 518 adam aldy.

Qarqaralyda múgedekterge arnalǵan ońaltý ortalyǵy jumys isteıdi. Oblystyń toǵyz óńirinde jergilikti bıýdjetten ınvataksı qyzmeti qarjylandyrylady.

Oblys ákimi Jeńis Qasymbek barlyq óńirlerde ınvataksıge qarajat bólýdi tapsyrdy. Ol sondaı-aq múmkindigi shekteýli adamdar úshin ınfraqurylymdy qamtamasyz etpese, jańa nysandy qabyldamaýdy talap etti.

«Erekshe qajettilikteri bar adamdardyń ómir súrý sapasyn jaqsartý - bul bizdiń mańyzdy mindetimiz. Biz ózimizdiń barlyq áleýmettik mindettemelerimizdi oryndap, olardy tolyq kólemde qarjylandyratyn bolamyz», - dep atap ótti óńir basshysy.

Oblys ákiminiń orynbasary Nursultan Jıenbaev múmkindigi shekteýli jandardyń jumyspen qamtylýyn arttyrý ıdeıasyn ortaǵa saldy.

«Búkil óńirde áleýmettik kásipkerlik boıynsha jumys nashar júrgizilýde. Biz muny jumyspen qamtýdy úılestirý jáne áleýmettik baǵdarlamalar basqarmasymen birlesip talqyladyq. Jumyspen qamtýdyń jol kartasy, shaǵyn nesıeleý baǵdarlamasy aıasynda erekshe qajettilikteri bar adamdar úshin jumys oryndary qurylatyn jobalardy qarjylandyrýdy usynamyz», - dedi ol.

Keńeske oblys ákiminiń erekshe qajettilikteri bar adamdar máseleleri jónindegi keńesshisi Nııaz Súndıtalıev qatysty. Ol qoljetimdi orta qurýǵa, medıtsınalyq-áleýmettik mekemelerdegi qamqorshylyq keńesterdiń qyzmetine qatysty usynystar berdi.

Osyndaı keńesshiler qalalar men aýdandardyń barlyq ákimderinde paıda bolady. Segiz óńirde olar taǵaıyndalǵan.

Qaraǵandy oblysynda erekshe qajettilikteri bar 67 myńnan astam adam turady, olardyń 5 404-i kámeletke tolmaǵandar.


Joǵary qaraı