Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Munaı baǵasy barreline 108 dollardan asty

2022 jyldyń 13 mamyr 2022 14:28

YSTANBUL. Anadoly-QazAqparat – Juma kúni tańerteńgi saýdada Brent markaly munaı baǵasy barreline 108,82 dollarǵa deıin kóterildi. Bul týraly QazAqparat Anadoly aqparat agenttigine silteme jasap habarlaıdy.

Beısenbi kúngi saýdada bul markaly munaı barreliniń quny 108,71 dollarǵa jetkenimen, kún sońynda 107,45 dollar boldy. 13 mamyr kúni tańerteńgi jaǵdaı boıynsha elıtalyq munaı markasynyń baǵasy 1,28 paıyzǵa ósip, barreline 108,82 dollardy qurady.

WTI markaly munaı fıýchersteriniń quny barreline 107,25 dollar boldy.

«Qara altynnyń qymbattaýy Reseı men Ýkraına arasyndaǵy soǵys saldarynan energııa tasymaldaýshylar jetkiziliminiń tómendeý qaýpimen baılanysty», - delingen habarlamada.

Eýroodaqqa múshe elderdiń ókilderi Reseıden munaı ımportyna tyıym salý úshin birneshe eldiń basshylarymen kezdesýler ótkizýde. Ekinshi jaǵynan, reseılik munaı óndirisiniń quldyraýy álemdik naryqta jetkizilim tapshylyǵyna qatysty alańdaýshylyqty kúsheıtti.

Halyqaralyq energetıka agenttiginiń málimetinshe, sáýir aıynda reseılik munaı óndirisi táýligine shamamen 1 mıllıon barrelge azaıdy. Buǵan Batys sanktsııalary aıasynda munaı ónimderi eksportynyń tómendeýi, ishki suranystyń azaıýyna baılanysty munaı óńdeý zaýyttarynyń munaıdy áldeqaıda az óńdeýi sebep bolyp otyr.


Joǵary qaraı