Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Munaı-gaz jobalary aıasynda 2,5 myń turaqty, 12 myń ýaqytsha jumys orny qurylady

2022 jyldyń 3 mamyr 2022 13:28

NUR-SULTAN. QazAqparat – Munaı-gaz jobalaryn iske asyrýdyń 2022-2025 jyldar kezeńinde 2,5 myń turaqty jáne 12 myń ýaqytsha jumys orny qurylady. Bul Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Otandyq óndiris ónimderiniń básekege qabilettiligin tabysty arttyrýdyń negizgi faktorlarynyń biri retinde biz otandyq jobalaý, ınjınırıngtik kompanııalardyń quzyretin arttyrý boıynsha qajetti jaǵdaılar jasaýdy kórip otyrmyz. Bul jobalaý kezeńinde, árıne, tapsyrys berýshiniń baǵa jáne sapa saıasatyna sáıkes kelgen jaǵdaıda, jergilikti taýarlardy jetkizýdi qamtamasyz etýge múmkindik beredi. Qazirgi ýaqytta Qarashyǵanaq ken ornynda shıki gazdy keri aıdaýdyń qosymsha 5-shi kompressoryn engizýdi eskerip, jylyna 10-11 mln tonna sheginde suıyq kómirsýtekterdi óndirý deńgeıin odan ári qoldaýǵa baǵyttalǵan joba iske asyrylyp otyr», - dedi B.Aqsholaqov.

Onyń aıtýynsha, bul jobanyń bazalyq jobalaýyn qazaqstandyq «Qazgıproneftetrans» jobalaý ınstıtýtymen seriktestikte Worley Parsons sheteldik kompanııasy oryndady.

«Jobalaý kezeńinde de, qurylys kezeńinde de birlesken kásiporyndar qurý nátıjesinde bizdiń azamattar úshin 793 jumys orny quryldy. Jyl sońyna deıin qosymsha 1 400 qyzmetker tartylatyn bolady. 2023 jyly 2550-ge jýyq azamatqa jumys orny josparlanyp otyr», - dedi mınıstr.

Onyń sózine qaraǵanda, taǵy bir iri joba boıynsha Qashaǵan bazalyq jobalaýǵa Qazaqstan-Aýstrııa-Frantsııa birlesken kásiporny Caspian Experts JV JShS kelisimshart berdi. Qazir jobalaý jumystaryna tartylǵan 120 jergilikti jumysshy bar. Jalpy, 2A fazasyn iske asyrý kezinde shamamen 1 200 jumys orny qurylady.

«Jańa óndiristerdi oqshaýlaý boıynsha jobalardan basqa, mınıstrlik munaı-gaz hımııasy klasterin qurý jumystaryn júrgizilip jatyr. Onda Atyraý men Batys Qazaqstan oblystarynda júzege asyrylatyn 7 jobany iske asyrý kózdelgen. Atap aıtqanda, bıyl qýattylyǵy jylyna 500 myń tonna polıpropılen óndiretin zaýyt iske qosylady. Ótken jyly Qashaǵanda qýattylyǵy 1 mlrd tekshe metr bolatyn gaz óńdeý zaýytynyń qurylysy bastaldy. Onyń aıaqtalý merzimi 2024 jylǵa josparlanǵan. Sondaı-aq, qýaty jylyna shamamen 1 mln tonna polıetılentereftalat, qýaty jylyna 1,25 mln tonna polıetılen jáne qýaty jylyna 186 myń tonna býtadıen óndirý jónindegi mynadaı iri jobalardy iske asyrýǵa nazar aýdarylatyn bolady. Osy jobalardy iske asatyn 2022-2025 jyldar kezeńinde 2,5 myń turaqty jáne 12 myń ýaqytsha jumys oryndaryn qurý eskerilgen», - dedi vedomstvo basshysy.

«Bul jobalarǵa quıylǵan ınvestıtsııa kólemi 4,9 mlrd teńgeni quraıdy», - dep naqtylady mınıstr.

Budan buryn habarlanǵandaı, Úkimet Halyqtyń tabysyn arttyrý baǵdarlamasyn ázirledi. Qabyldanǵan bul baǵdarlama aıasynda 2 mln jumys orny qurylatyny aıtyldy.


Joǵary qaraı