Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Munaı men gaz qorynyń 75 paıyzy Atyraý oblysynda shoǵyrlanǵan

2022 jyldyń 19 mamyr 2022 11:01

NUR-SULTAN. QazAqparat – Qazaqstandaǵy munaı men gaz qorynyń 75 paıyzy Atyraý oblysynda shoǵyrlanǵan. Bul týraly QR Ekologııa, geologııa jáne tabıǵı resýrstar mınıstrligi, Geologııa komıtetiniń tóraǵasy Talǵat Satıev ortalyq kommýnıkatsııalar qyzmetinde ótip jatqan brıfıngide aıtty, dep habarlaıdy QazAqparat tilshisi.

«Búgingi tańda Qazaqstan Respýblıkasynyń paıdaly qazbalarynyń memlekettik balansynda 8711 ken orny, onyń ishinde kómirsýtekter boıynsha – 317, qatty paıdaly qazbalar boıynsha – 910, keń taralǵan paıdaly qazbalar boıynsha – 3160 jáne 4324 jerasty sýlarynyń ken oryndary esepke alynǵan», - dedi komıtet basshysy.

Sondaı-aq, ol eldegi munaı qorynyń kólemine de toqtaldy.

«Munaıdyń balanstyq qory (A+V+S1+S2 sanattary boıynsha) 4,4 mlrd tonnany quraıdy. Gazdyń 2,1 trln tekshe metr, kondensattyń 416,2 mln tonna qory bar. Onyń basym bóligi Atyraý oblysynda shoǵyrlanǵan – shamamen 75%. Qalǵan 11%-y Mańǵystaý oblysyna tıesili. Kómirsýtek shıkizaty qorynyń 68%-y Teńiz, Qashaǵan jáne Qarashyǵanaq sııaqty 3 iri ken ornynyń úlesine tıesili», - dedi Talǵat Satıev.

Buǵan deıin jazǵanymyzdaı, Qazaqstanda geologııalyq málimet jınaqtalǵan aqparattyq júıe qurylady.


Joǵary qaraı