Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Munaı salasyndaǵy qondyrǵylar óndirisin jergiliktendirý: Mınıstr josparmen bólisti

2021 jyldyń 23 qarasha 2021 10:39

NUR-SULTAN. QazAqparat – Úkimet otyrysynda QR Energetıka mınıstri Maǵzum Myrzaǵalıev munaı salasyndaǵy qondyrǵylar óndirisin jergiliktendirý josparyn ortaǵa saldy, dep habarlaıdy QazAqparat tilshisi.

«Jergilikti qamtýdy damytý jónindegi kelesi bastama – aǵymdaǵy jyly qurylǵan Munaı-gaz mashınasyn jasaýdy damytýdyń halyqaralyq ortalyǵy bolyp tabylady.

Ortalyq jumysynyń negizgi maqsaty – elimizdegi munaı-gaz salasy úshin taýarlar óndirisin jergiliktendirý. Ol úshin ortalyq jańa óndirister ashyp, sondaı-aq jumys istep turǵan otandyq taýar óndirýshilerdiń múmkindikterin keńeıtedi», - dedi ol.

Vedomstvo basshysynyń aıtýynsha, atalmysh ortalyq saladaǵy operatorlardyń usynysy boıynsha úsh túrli taýardyń óndirisin jergiliktendirýdi qolǵa alǵan. Olar:

- Bekitý armatýrasy (klapandar);

- Elektrotehnıkalyq jabdyq;

- Baqylaý-ólsheý aspaptary jáne avtomatıka.

«Otandyq óndirýshilerdiń qajettilikteri boıynsha tolyq derekterge jáne tıisti múmkindikterge taldaý júrgizgennen keıin qalǵan taýar toptary boıynsha usynystar engiziledi», - dedi mınıstr.


Joǵary qaraı