Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mundaı saılaý bolǵan emes: Qasym-Jomart Toqaev jańadan saılanǵan aýyl ákimderimen áńgimelesti

2021 jyldyń 27 shilde 2021 15:40

KÓKShETAÝ. QazAqparat - Memleket basshysy Aqmola oblysynyń jańadan saılanǵan aýyl ákimderimen áńgimelesti, dep habarlaıdy Aqorda.

Qasym-Jomart Toqaev Aqmola oblysynyń jańadan saılanǵan aýyl ákimderimen kezdesti. Prezıdent aýyldardyń, aýdandyq mańyzy bar qalalar men aýyldyq okrýgterdiń basshylarynyń tikeleı saılaýy saıası jańǵyrýdyń jańa kezeńin bildiretin mańyzdy ári tarıhı oqıǵa ekenin atap ótti.

– Shyn máninde, el tarıhynda osyndaı saılaý alǵash ret ashyq ári ádil ótkizilip otyr. Halyq tarapynan eshqandaı shaǵym túspedi. Mundaı saılaý bolǵan emes. Biz saılaýdy bireýge unaý úshin emes, azamattardyń turmys sapasyn jaqsartý úshin ótkizemiz, – dedi Qasym-Jomart Toqaev.

Memleket basshysy bul saılaýdyń aýyldaǵy aǵaıynǵa óz áleýetin tolyq paıdalanyp, eldi mekenderdi damytý úshin jańa múmkindik beretinine toqtaldy.

Prezıdent ákimderdiń saılaýaldy jumystaryna oń baǵa berip, olardyń qyzmetine tabys tiledi.

Qasym-Jomart Toqaev olardyń halyq senimin aqtaý úshin qoldan kelgenniń bárin jasaıtynyna senim bildirdi.

Jıyn sońynda jańadan saılanǵan ákimder Memleket basshysyna óz bastamasyn júzege asyrǵany jáne elimiz ben aýyldarynyń ıgiligi jolynda eńbek etýge múmkindik bergeni úshin alǵys aıtty.


Joǵary qaraı