Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Mýngııa Golovkınmen kelise almasa Qanat Islammen judyryqtasýy múmkin

2021 jyldyń 5 aqpan 2021 01:32

NUR-SULTAN. QazAqparat - Qazaqstandyq boksshy Gennadıı Golovkın (41-1-1, 36 KO) men meksıkalyq Haıme Mýngııa (36-0, 29 KO) mamyr aıynda jekpe-jek ótkizý jóninde ózara kelisimge kele almady, dep habarlaıdy QazAqparat Boxingscene-ǵa silteme jasap.

Basylymnyń habarlaýynsha, jeńilip kórmegen meksıkalyq nokaýter orta salmaqtaǵy úshinshi jekpe-jegin sáýir aıynyń alǵashqy jartysynda ótkizýdi josparlap otyr. Al oǵan áleýetti qarsylas retinde qazaqstandyq boksshy Qanat Islam (27-0, 21 KO) atalǵan.

Meksıkalyq boksshynyń komandasy Qanat Islammen kelissóz júrgizip jatqanyn, alaıda álide Golovkınmen judyryqtasýǵa basymdylyq beretinin aıtty.

Aıta keteıik, Qanat Islam ótken jyly jekpe-jek ótkizgen joq. 2019 jyly, otandasymyz jaraqatyna baılanysty araǵa bir jyl salyp, kásipqoı boksqa qaıta oraldy. Sondaı-aq, ol birinshi orta salmaqtan orta salmaqqa aýysyp, Almatyda domınıkalyq qarsylasy Hýlıo De Hesýsty (27-2, 24 KO) birinshi raýndta nokaýtqa jiberdi.

Qanat Islam orta salmaqtaǵy alǵashqy jekpe-jeginde WBO tujyrymy boıynsha International tıtýlyn ıelenip, sońǵy jekpe-jeginde namıvııalyq Ýolter Kaýtondokvaǵa (18-2, 17 KO) qarsy shyǵyp sátti qorǵady. Qazaqstandyq boksshy orta salmaqta álemdik reıtıngide 14-orynda.

24 jastaǵy Haıme Mýngııa 2018 jyly amerıkalyq Sadam Álıdi jeńip, birinshi orta salmaqta WBO tujyrymy boıynsha álem chempıony tıtýlyn ıelendi. Sondaı-aq, Mýngııa osy salmaqta chempıondyq ataǵyn 5 ret sátti qorǵap, Qanat Islamnyń burynǵy qarsylastary Brendon Kýk (22-2-0, 15 KO) pen Patrık Alloteıdy (41-4-0, 31 KO) nokaýtpen jeńdi.

Mýngııa 2020 jyly orta salmaqqa aýysyp, eki jekpe-jek ótkizdi. Sońǵy jekpe-jeginde, meksıkalyq boksshy orta salmaqta WBO tujyrymy boıynsha Inter-Continental tıtýylyn ıelenip, álemdik reıtıngide 5-orynda tur.

Joǵary qaraı