Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Myńnan astam kezdesý: Nur Otan-nan saılanǵan májilismender shalǵaı eldi mekenderge attandy

2021 jyldyń 7 shilde 2021 15:53

NUR-SULTAN. QazAqparat - úgin elimizdiń aımaqtarynda «Nur Otan» partııasy fraktsııasynyń músheleri – májilismenderdiń halyqpen kezdesýleri bastaldy, dep habarlaıdy QazAqparat partııanyń baspasóz qyzmetine silteme jasap.

Qazaqstandyqtardy tolǵandyratyn ózekti de túıindi máselelerdi talqylaýǵa jáne partııanyń «Ózgerister joly: Ár azamatqa laıyqty ómir!» saılaýaldy baǵdarlamasyn jergilikti jerlerde iske asyrý sapasyn taldaýǵa erekshe nazar aýdarylady.

Nurotandyq depýtattar oblys jáne aýdan ortalyqtaryna ǵana emes, shalǵaı eldi mekenderge de barady.

Ár óńirdiń ózekti máselelerin egjeı-tegjeıli qarastyrý úshin kásiporyndardyń, densaýlyq saqtaý, bilim berý mekemeleriniń eńbek ujymdarymen kezdesýler josparlanǵan. Sonymen qatar, halyq qalaýlylary azamattardy qabyldaý ótkizedi.




Jalpy halyq qalaýlylary saılaýshylarmen myńnan astam kezdesý ótkizedi.

Olar eki kezeńde: osy jyldyń 7-16 shildesi men 19-28 tamyzy aralyǵynda ótedi. Kezdesýler barlyq sanıtarlyq talaptardy saqtaı otyryp ótkiziletin bolady.

Aıta ketý kerek, Májilistiń VII shaqyrylymynyń birinshi sessııasynda Palatanyń qaraýynda 86 zań jobasy boldy, onyń 49-y maquldanyp, Senatqa joldandy.




Partııanyń baspasóz qyzmeti atap ótkendeı, «Nur Otan» fraktsııasynyń músheleri ózderiniń zań shyǵarý bastamasy quqyǵyn belsendi paıdalana otyryp, 10 zań jobasyn ázirledi.

Olar ındýstrııalyq-ınnovatsııalyq damý, qarjy, bank júıeleri, bilim, densaýlyq saqtaý, áleýmettik qorǵaý, óńirlik damý jáne basqa máselelerge qatysty 94 depýtattyq saýal joldady.


Joǵary qaraı