Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mysyrda 11 jasar qalyńdyq pen 12 jastaǵy kúıeý jigittiń ata-anasy qamaýǵa alyndy

2021 jyldyń 21 qyrkúıek 2021 08:38

KAIR. QazAqparat – Mysyr eliniń Qaýipsizdik kúshteri 11 jáne 12 jastaǵy balalaryn úılendirmek bolǵan ata-analardy ustady. Bul týraly QazAqparat Al Arabiya telearnasyna silteme jasap habarlady.

Kaır qalasynan 30 shaqyrym jerde turatyn kámelettik jasqa tolmaǵandardy úılendirý jaıly jurtqa belgili bolǵan, bul jaǵdaıǵa bılik aralasty.

Balalardy úılendirý týraly zergerlik dúken ıesiniń Facebook áleýmettik jelisine kúıeý jigittiń jas qalyńdyqqa úılený aldynda bolashaq áıeline syılaýy tıis altyn buıymdaryn satyp alǵany týraly aqparat salǵannan keıin belgili bolǵan. Altyndy ul balanyń ata-anasy satyp alǵan. Eki otbasynyń aldaǵy qudalyǵyn atap ótý saltanatyn kenetten kelip jetken polıtsııa buzdy.

Mysyrdyń Ana jáne bala máseleleri jónindegi Ulttyq keńesiniń Bas hatshysy Sahao as-Sanbatıdiń aıtýynsha, «atalǵan oqıǵa Mysyr Konstıtýtsııasynyń balalardy qorǵaý jónindegi 80-shi babyn buzýshylyq bolyp tabylady jáne balalardy zorlaý nemese olarǵa qatygezdik jasaý jaǵdaıynda memlekettiń aralasýyn qarastyrady». Endi olardyń ata-analary sot aldynda jaýap beredi.


Basty sózder: Álem, Qoǵam,
Joǵary qaraı