Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mıýnhen konferentsııasyna qatysýshylar Dımashtyń ónerine qoshemet kórsetti

2022 jyldyń 27 mamyr 2022 16:53

MıÝNHEN. QazAqparat – Germanııada ótken Digital Life Design (DLD) eýropalyq ınnovatsııalyq konferentsııasyna qatysýshylar Dımash Qudaıbergenniń kórsetken ónerinen keıin oryndarynan turyp, uzaǵynan dý qol shapalaq soqty, dep habarlaıdy QazAqparat dimashnews.com saıtyna silteme jasap.

DLD –álemdi tsıfrlandyrýǵa óz úlesterin qosýǵa tyrysatyn adamdar úshin qurylǵan úlken halyqaralyq alań. Onda saıasat, ǵylym, mádenıet jáne óner salasyndaǵy tanymal vızıonerler óz tájirıbesimen bólisedi. Konferentsııaǵa birneshe jyl boıy qatysyp kele jatqan spıkerlerdiń arasynda Facebook negizin qalaýshy Mark Tsýkerberg, ánshi Ledı Gaga, Microsoft kompanııasynyń bas dırektory Satıa Nadella, Twitter-diń negizin qalaýshy Djek Dorsı, iPhone ónertapqyshy Tonı Fadell jáne basqalar bar.

Sondaı-aq sharaǵa tanymal mýzykalyq oryndaýshylar shaqyrylady. Mobilium Global kompanııasynyń bas dırektory Ralf Saımon bul jolǵy konferentsııaǵa Qazaqstan ánshisi Dımash Qudaıbergendi shaqyrýdy usynǵan.





Solaısha, bıyl DLD-diń basty sahnasynda alǵash ret qazaq halyq aspaptary shyrqaldy. Dımash Oljas Qurmanbektiń qobyzben súıemeldeýimen «S. O. S» jáne «Stranger» ánderin oryndady.

«Dımashtyń óner kórsetýi aıaqtalǵannan keıin kórermender oryndarynan atyp turyp, dý qol shapalaq urdy. Bul Qazaqstan ártisteriniń DLD sahnasynda alǵash óner kórsetýi boldy», – dep bólisti Ralf Saımon.

Sondaı-aq Mobilium Global bas dırektory jurtshylyq dombyra men qobyzdyń tańǵajaıyp únine qaıran qalǵanyn atap ótti.

«Meniń oıymsha, bul Dımashtyń naǵyz trıýmfy boldy. Aıtpaqshy, muny Germanııanyń kontsertterdiń tanymal promoýteri de aıtyp ótti. Ol onyń (Dımashtyń – red.) ónerin tamashalaý úshin Berlınnen Mıýnhenge arnaıy ushyp keldi», - dedi ol.


Joǵary qaraı