Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Nıý-Iorkte koronavırýstyń jańa túri anyqtaldy

2021 jyldyń 25 aqpan 2021 20:42

NЬıÝ-IORK. QazAqparat – Kalıfornııa tehnologııalyq ınstıtýty men Kolýmbııa ýnıversıteti ǵalymdarynyń pikirinshe, koronavırýs ınfektsııasynyń jańa nusqasynda kezdesetin mýtatsııa oǵan ımmýndyq júıeniń áserin sezinbeýge múmkindik beredi, dep habarlaıdy QazAqparat The New York Times-qa silteme jasap.

Nıý-Iork qalasyn qamtyǵan koronavırýs ınfektsııasynyń jańa túrinde vırýsqa qarsy vaktsınalardyń tıimdiligin tómendetýge múmkindik beretin mýtatsııa bar.

B.1.526 jańa nusqasy qalada alǵash ret ótken jyldyń qarasha aıynda baıqalǵan bolatyn. Osy jyldyń aqpan aıynyń ortasyna qaraı GISAID málimetter bazasynda tirkelgen árbir tórtinshi genomdar tizbeginde vırýstyń jańa nusqasy boldy.

Zertteýlerdi Kalıfornııa tehnologııalyq ınstıtýty men Kolýmbııa ýnıversıtetiniń ǵalymdary júrgizdi. Zertteýler saraptamalyq sholýdan ótpegeni jáne ǵylymı jýrnaldarda jarııalanbaǵany atap ótildi. Alaıda, sarapshylardyń pikirinshe, júıeli zertteý nátıjeleri vırýstyń naqty taralýyn kórsetedi.

Qazirgi ýaqytta ǵalymdar onyń mýtatsııasyn baqylaý úshin vırýstyń jańa nusqasynyń genetıkalyq materıalyn zerttep jatyr.

Kalıfornııa tehnologııalyq ınstıtýtynyń ǵalymdary GISAID derekter bazasynyń kómegimen vırýs genomynyń júzdegen myń tizbegin skanerlegennen keıin B. 1.526 vırýsynyń taralýynyń óskenin anyqtady.

Olar E484K jáne S477N eki mýtatsııasynyń ósimin anyqtady. Ońtústik Afrıka men Brazılııada baıqalǵan mýtatsııanyń birinshi túri vırýsqa vaktsınalardyń áserinen aýlaq bolýǵa múmkindik beredi, al ekinshisi jasýshamen qanshalyqty baılanysqanyna áser etedi.

Aqpan aıynyń ortasynda mýtatsııanyń osy eki túriniń genomdarynyń úlesi qalada tirkelgen barlyq mýtatsııalardyń shamamen 27%-yn qurady. Qazirgi ýaqytta eki mýtatsııa da B.1.526 nusqasynyń tobyna biriktirilgen.

Ýnıversıtet ǵalymdary qala bıligine, sondaı-aq vırýstyń taralýyn baqylaý jáne aldyn alý ortalyqtaryna eskertý jasady.


Basty sózder: Amerıka, Koronavırýs, Álem,
Joǵary qaraı