Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Naýqastyń úıine baryp, koronavırýsqa test alatyn mobıldi brıgadalardyń qyzmet quny qansha

2020 jyldyń 3 shilde 2020 13:10

NUR-SULTAN. QazAqparat – QR densaýlyq saqtaý vıtse-mınıstri Ajar Ǵınııat kóshpeli mobıldi brıgadalardyń aqyly qyzmet qunynyń mólsherin atady, dep habarlaıdy QazAqparat tilshisi.

«Mınıstr myrza aıtyp ketkendeı, emhanalarda jáne jedel járdem qyzmetinde mobıldi brıgadalar qurylady. Olar qazirgi tańda jumysyn bastap ketti. Tarıfi ázirlendi. Quny – 5400 teńge», - dedi ol OKQ-daǵy baspasóz máslıhatynda tilshilerdiń suraǵyna jaýap bere otyryp.

Vıtse-mınıstrdiń aıtýynsha, KVI nemese JRVI belgisi bar adamdar jedel járdem shaqyrsa, mobıldi brıgadalar dárigerlermen birge baryp, sol jerde test alady.

«Shaqyrýǵa tólenip otyrady. Bul brıgada bir adamǵa eki-úsh ret kelmeıdi. Óıtkeni test bir-aq ret alynyp, KVI bar ma, joq pa - anyqtalyp, ýchaskelik dárigerge aqparat beriledi», - dedi ol.

Eske sala ketsek, budan burynǵy baspasóz máslıhatynda Densaýlyq saqtaý mınıstri Alekseı Tsoı Qazaqstanda koronavırýsty jeńil jáne sımptomsyz kóteretin adamdarǵa kóshpeli brıgadalar aqyly qyzmet kórsetetinin habarlaǵan bolatyn.

Al vıtse-mınıstr Ajar Gınııat osy mobıldi toptardyń jumys tártibin túsindirip berdi.


Joǵary qaraı