Aýa raıy
Astana 15 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Naızaǵaı, kúshti jel, aptap ystyq – bes oblys aýmaǵynda eskertý jarııalandy

2020 jyldyń 11 shilde 2020 16:31

NUR-SULTAN. QazAqparat – 12 shildede elimizdegi bes oblys aýmaǵynda aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.

12 shildede Soltústik Qazaqstan oblysynyń keı jerlerinde naızaǵaı, burshaq. Soltústik-batystan jel soǵady, kúndiz keı jerlerde kúshi 15-20 m/s kútiledi.

Sol kúni kúndiz Petropavlda soltústik-batystan jel soǵady, ekpini 15-20 m/s jetedi.

12 shildede Aqmola oblysynyń keı jerlerinde naızaǵaı kútiledi. Kúndiz keı jerlerde burshaq jaýady, soltústik-batystan jel soǵady, kúshi 15-20 m/s jetedi. Óńirdiń ońtústiginde 35 gradýsqa deıin qatty ystyq bolady.

Sol kúni tańerteń jáne kúndiz Nur-Sultan qalasynda naızaǵaı oınap, burshaq jaýady, soltústik-batystan jel soǵady, ekpini 15-20 m/s jetedi.

12 shildede kúndiz Kókshetaýda kún kúrkirep, naızaǵaı jarqyldaıdy.

12 shildede kúndiz Qyzylorda oblysynyń keı jerlerinde shańdy daýyl soǵady. Soltústik-shyǵystan jel soǵady, túnde keı jerlerde jyldamdyǵy 15-20 m/s, kúndiz 15-20 m/s jetedi.. Kúndiz 42 gradýs qatty ystyq kútiledi.

Sol kúni kúndiz Qyzylorda qalasynda 40 gradýs qatty ystyq kútiledi.

12 shildede Qostanaı oblysynyń keı jerlerinde naızaǵaı kútiledi. Soltústik-shyǵystan, shyǵystan jel soǵady, kúndiz keı jerlerinde jyldamdyǵy 15-20 m/s jetedi. Kúndiz ońtústikte 37 gradýsqa deıin qatty ystyq kútiledi.

12 shildede kúndiz Túrkistan oblysynyń keı jerlerinde shańdy daýyl soǵyp, shyǵystan soǵatyn jeldiń kúshi 15-20 m/s jetedi.

Sol kúni kúndiz Shymkentte shyǵystan soǵatyn jeldiń ekpini 15-20 m/s jetedi.

12 shildede kúndiz Túrkistan qalasynda shyǵystan soqqan jeldiń jyldamdyǵy 15-20 m/s jetedi.


Basty sózder: Qazgıdromet, Aımaq, Aýa raıy,
Joǵary qaraı