Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nesıe keshirilmeıdi: Qarjy naryǵyn retteý agenttigi jalǵan aqparatqa túsinik berdi

2021 jyldyń 10 jeltoqsan 2021 15:02

NUR-SULTAN. QazAqparat - Qarjy naryǵyn retteý jáne damytý agenttigi Janbolat Mamaı taratyp jatqan dáıeksiz aqparatty joqqa shyǵardy, dep habarlaıdy QazAqparat.

Qazirgi ýaqytta Janbolat Mamaı áleýmettik jelilerde jáne messendjerlerde qaryzdardyń barlyq túrleri boıynsha «kredıttik raqymshylyq» jarııalanypty-mys degen dáıeksiz aqparat taratýdy jalǵastyryp jatyr.

Qarjy naryǵyn retteý jáne damytý agenttigi J. Mamaıdyń bul málimdemeleri dáıeksiz ekendigin jáne óziniń jeke saıası maqsattaryn iske asyrý úshin azamattardy adastyratynyn málimdeıdi.

Agenttik qazirgi ýaqytta Qazaqstanda 2004-2009 jyldar aralyǵyndaǵy kezeńde teńgemen ıpotekalyq qaryz, sondaı-aq 2016 jylǵy 1 qańtarǵa deıin valıýtalyq ıpotekalyq qaryz alǵan halyqtyń áleýmettik osal toptary sanatynan ıpotekalyq qaryz alýshylarǵa kómek kórsetý úshin Ipotekalyq qaryzdardy qaıta qarjylandyrý baǵdarlamasyn iske asyrý jalǵasyp jatqanyn habarlaıdy.

Mundaı qaryz alýshylarǵa qoldaýdy bankter olardyń qarjylyq jáne áleýmettik jaǵdaıyn jan-jaqty taldaý negizinde jeke tártippen kórsetýde , onyń nátıjeleri boıynsha bankter qaryz alýshyǵa qajetti qoldaý kórsetý týraly sheshim qabyldaıdy.

Sondyqtan kredıttik raqymshylyqty júrgizý zańnamalyq túrde kózdelmegen , Agenttikte halyqtyń kredıtter boıynsha bereshegin esepten shyǵarý boıynsha sheshim qabyldaý ókilettikteri joq.

Kredıtter boıynsha merzimi ótken bereshegi bar azamattarǵa qoldaý kórsetý úshin aǵymdaǵy jylǵy qazannan bastap bereshekti retteýdiń biryńǵaı tártibi engizilgenin habarlaımyz. Kredıtter boıynsha merzimin ótkizý týyndaǵan jaǵdaıda, qaryz alýshylar bankke nemese mıkroqarjy uıymyna ótinishpen júginýi qajet, onda olardyń ótinishi qaralyp, problemalyq bereshekti qaıta qurylymdaý talaptary usynylady.

Azamattar men buqaralyq aqparat quraldarynan dáıeksiz málimetterge senbeýdi jáne resmı ári tekserilgen derekkózderinen ǵana alynǵan aqparatty basshylyqqa alýdy suraımyz.

Ipotekalyq qaryzdardy qaıta qarjylandyrý baǵdarlamasynyń talaptary men nátıjeleri týraly tolyǵyraq aqparatty agenttiktiń resmı saıtynan alýǵa bolady.


Joǵary qaraı