Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nıderlandy Koroldiginiń Elshisi Qazaqstannyń jemqorlyqqa qarsy jetistiktigine oń baǵa berdi

2021 jyldyń 14 sáýir 2021 17:02

NUR-SULTAN. QazAqparat - Nıderlandy Koroldiginiń Qazaqstan Respýblıkasyndaǵy Tótenshe jáne Ókiletti Elshisi Andre Karstens QR Sybaılas jemqorlyqqa qarsy is-qımyl agenttiginiń AntikorLive jobasynyń kezekti qonaǵy boldy, dep habarlaıdy QazAqparat tilshisi.

Elshiniń aıtýynsha, búginde Nıderlandy Koroldiginiń Qazaqstandaǵy eń iri ınvestory. Bul rette ınvestıtsııalardyń basym bóligi Kaspıı teńizindegi jáne onyń aınalasyndaǵy munaı-gaz sektoryna baǵyttalǵan. Alaıda, mártebeli qonaqtyń aıtýynsha, sońǵy ýaqytta aýyl sharýashylyǵy men jasyl ekonomıkaǵa ınvestıtsııalardyń ósýi baıqalady.

Sondaı-aq, Elshi Qazaqstannyń sybaılas jemqorlyqqa qarsy is-qımyldaǵy jetistikterine toqtaldy. Esterińizge sala keteıik, Transparency International-diń 2020 jyldaǵy Sybaılas jemqorlyqty qabyldaý ındeksinde Qazaqstan 19 pozıtsııaǵa kóterilip, alǵash ret 38 ball jınady.

A.Karstenstiń aıtýynsha, Qazaqstan alǵa zor qadam jasady jáne Sybaılas jemqorlyqqa qarsy is-qımyl agenttiginiń bul jetistikte mańyzdy ról atqarǵanyna kúmán joq.

Sonymen qatar, ol júrgizilip jatqan jumysty odan ári jaqsartý maqsatynda sybaılas jemqorlyqqa qarsy zańnamany jetildirý jáne azamattyq qoǵammen tyǵyz yntymaqtastyq ornatý qajettigin atap ótti.

Osy turǵyda spıker «Qazaqstandaǵy sybaılas jemqorlyqqa qarsy tıimdi aldyn alý sharalary» jobasyn iske asyrý aıasynda 2018 jyldan bastap Elshiliktiń Sybaılas jemqorlyqqa qarsy qyzmetpen yntymaqtastyǵynyń oń tájirıbesin atap ótti.

Onyń aıtýynsha, osy ýaqyt ishinde biregeı aqparattyq resýrstar – «Saraptama» baǵdarlamalyq jasaqtamasy jáne «Ashyq bıýdjetterdiń ınteraktıvti kartasy» jasaldy.

Elshiniń pikirinshe, mundaı ónimder azamattarǵa memlekettik shyǵyndar týraly aqparat asha otyryp, olardyń ómir súrý sapasyn jaqsartady.

Bul óz kezeginde azamattyq qoǵam men bılik arasyndaǵy dıalogty jáne ózara senimdi nyǵaıta túspek.


Joǵary qaraı