Aýa raıy
Astana -3 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

«Nur Otan» Qaraǵandydaǵy onkologııalyq ortalyqtyń qurylysyn baqylaýǵa alady

2019 jyldyń 20 qyrkúıek 2019 21:10

QARAǴANDY. QazAqparat «Nur Otan» partııasy Tóraǵasynyń birinshi orynbasary Baýyrjan Baıbek Qaraǵandy oblysyna jumys sapary barysynda aımaqtaǵy bastaýysh partııa uıymdarynyń ókilderimen kezdesti, dep habarlaıdy QazAqparat.

Sondaı-aq, ol oblystyq onkologııalyq dıspanserde bolyp, ortalyqqa búginde ota jáne jansaqtaý bólimine arnalǵan jańa ǵımarattyń qajettiligine kóz jetkizdi.

«Álemde onkologııalyq aýrýdan jyl saıyn 10 mln-ǵa deıin adam kóz jumady. Densaýlyq saqtaý mınıstrliginiń málimeti boıynsha, Qazaqstanda bul kórsetkish 15 myńǵa jýyqtaıdy. Bul keselden qanshama otandasymyz týystary men jaqyndaryn joǵaltyp, taǵdyr taýqymeti men qasiret shegýde. Sondyqtan bizge zamanaýı medıtsınalyq tehnologııalardy engizip, bilikti mamandar daıarlap, tıisti ınfraqurylym qalyptastyrý qajet. Qaterli dert kesirinen kóz jumatyndar sanyn azaıtýǵa, al aýrýdyń bastapqy satylarynda qulan taza aıyǵýǵa bolady», - dedi Baýyrjan Baıbek.

«Nur Otan» partııasy Tóraǵasynyń birinshi orynbasary Baýyrjan Baıbek ota jáne jansaqtaý bólimine arnap jańa ǵımarat salý naýqastardyń kezek kútý merzimin 10 kúnnen 1 kúnge qysqartyp qana qoımaı, jasalatyn ota sanyn jylyna 20 myńǵa arttyrýǵa, ıaǵnı qanshama adamnyń ómirin saqtap qalýǵa múmkindik beretinin aıtty.

«Munda jyl saıyn elimizdiń 6 aımaǵynan kelgen 10 myńnan asa adam em qabyldaıdy. Alaıda, ǵımarattyń tarlyǵy naýqastardyń barlyǵyna birdeı tolyqqandy qyzmet kórsetýge qol baılaý bolyp keledi. Búginde qurylysty qarjylandyrý máselesi basy ashyq kúıinde qalyp otyr. «Nur Otan» atalǵan jobanyń qarjylandyrylýyn qoldaıdy. Sonymen birge, qurylys jumystarymen qatar kórsetiletin qyzmet sapasyna da qatań túrde partııalyq baqylaý júrgiziledi», - dedi Baýyrjan Baıbek.

Osy kúni «Nur Otan»-nyń oblystyq fılıalynyń kezekten tys konferentsııasy ótti. Onda partııanyń oblystyq fılıalynyń tóraǵasy bolyp Qaraǵandy oblysynyń ákimi Jeńis Qasymbek saılandy.


Joǵary qaraı