Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur Otan-nyń saılaýaldy ýádeleri aıasynda 127 myń sport sektsııasy ashyldy – Baýyrjan Baıbek

2021 jyldyń 14 qazan 2021 16:57

NUR-SULTAN. QazAqparat - «Nur Otan» Tóraǵasynyń Birinshi orynbasary Baýyrjan Baıbek Elbasy, partııa Lıderi Nursultan Nazarbaevtyń tapsyrmasy boıynsha óńirlerge saparyn jalǵastyrýda. Búgin ol Mańǵystaý oblysynda saılaýaldy ýádelerdiń oryndalý barysymen tanysty, dep habarlaıdy QazAqparat.

Óńirde 9 aı ishinde 2025 jylǵa deıin josparlanǵan 872 is-sharanyń 27%-ti oryndalǵan. 809 myń sharshy metr turǵyn úı boı kótergen, 28 mektep salynyp, jóndeýden ótken, 22 myń turaqty jańa jumys orny ashyldy.




Baýyrjan Baıbek atap ótkendeı, Memleket basshysy Qasym-Jomart Toqaev jarııa etken «Ózgerister joly: Ár azamatqa laıyqty ómir!» Saılaýaldy baǵdarlamasy aıasynda balalardy mektepke deıingi bilim berýmen qamtamasyz etýge erekshe nazar aýdarylady. 2025 jylǵa qaraı óńirlerde 3-ten 6 jasqa deıingi balalardy 100% balabaqshamen qamtý, sondaı-aq kezekke qoıý tártibin tolyqtaı tsıfrlandyrýmen qamtamasyz etý josparlanýda.




«Mańǵystaý oblysynda jyl basynan beri 18 mektepke deıingi mekeme ashyldy. Sapar barysynda Túpqaraǵan aýdany Saıyn Shapaǵatov atyndaǵy aýylda jeke ınvestıtsııa esebinen ashylǵan «HADIYA» balabaqshasynda boldym. Tárbıeshilermen birge ustazdardyń áleýmettik jaǵdaıyn jaqsartý, jas otbasylarǵa turǵyn úı salý, aýyl okrýgterin sapaly aýyz sýmen qamtamasyz etý jáne ózge de máselelerdi talqyladyq», – dep jazdy ol Facebook-tegi paraqshasynda.

Budan keıin Aqshuqyr aýylynda Baýyrjan Baıbek «Súleımen» jańa sport keshenin aralady. Keshende jastar úshin kúres, dzıýdo, karate, kórkem gımnastıka, júzý jáne t.b. sport túrleri qoljetimdi.

Partııa Tóraǵasy Birinshi orynbasarynyń aıtýynsha, jalpy saılaýaldy baǵdarlama aıasynda bıyl óńirlerde 127 myńnan astam sport sektsııasy ashylyp, 22 myńnan astam balalar úıirmeleriniń jumysy qaıta jandanǵan. Jattyqtyrýshy-oqytýshylardyń jalaqysy 1,5 ese ósken, al 2023 jylǵa qaraı 2 ese artady.

Osy kúni kezekten tys konferentsııada «Nur Otan»-nyń oblystyq fılıalynyń jańa tóraǵasy bolyp Nurlan Noǵaev saılandy.

«Fılıal basshylyǵynyń aldyna árbir aýdan men qalada saılaýaldy mindettemelelerdi sapaly oryndaý, fraktsııalar men qoǵamdyq keńester jumysyn jandandyrý, sondaı-aq, partııanyń qoǵamdyq qabyldaý bólmeleri arqyly turǵyndardyń máselelerin sheshýdiń tıimdiligin arttyrý mindetteri qoıyldy», – dedi «Nur Otan» partııasy Tóraǵasynyń Birinshi orynbasary.

Partııanyń baspasóz qyzmeti taratqan aqparatqa sáıkes, sapar barysynda Baýyrjan Baıbek elimizdiń batys óńirlerinde: Aqtóbe, Atyraý, Batys Qazaqstan jáne Mańǵystaý oblystarynda saılaýaldy ýádelerdiń iske asyrylý barysyn onlaın formatta talqylaǵan.









Basty sózder: Nur Otan partııasy, Saılaý,
Joǵary qaraı