Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur Otan-nyń saılaýaldy ýádeleri aıasynda bıyl 165 jańa mektep salyndy

2021 jyldyń 21 qazan 2021 12:00

NUR-SULTAN. QazAqparat - Elbasy, Partııa Lıderi Nursultan Nazarbaevtyń tóraǵalyǵymen ótetin Saıası keńestiń keńeıtilgen otyrysy qarsańynda elimizdiń barlyq óńirlerinde saıası keńester bıýrosynda fılıal basshylary – ákimderdiń qatysýymen «Nur Otan»-nyń 217 saılaýaldy baǵdarlamasyn júzege asyrýdyń aralyq qorytyndylary qaraldy.

Bul týraly QazAqparat partııanyń baspasóz qyzmetine silteme jasap habarlaıdy.

Partııanyń baspasóz qyzmetinde atap ótkendeı, Memleket basshysy Qasym-Jomart Toqaev jarııa etken «Ózgerister joly: Ár azamatqa laıyqty ómir!» respýblıkalyq saılaýaldy baǵdarlamanyń 24,8% oryndalyp úlgerdi. 9 aıda óńirlerde 10,4 mln sharshy metr turǵyn úı paıdalanýǵa berilip, 165 mektep salyndy, 259 myńnan astam turaqty jumys orny ashyldy.

Nur-Sultan qalasynda jyl basynan beri 115 kóshe jóndelip, 4885 úı gazben jabdyqtaý júıesine qosyldy. Almatyda 72 jekemenshik balabaqsha ashylyp, 9 mektepke qosymsha korpýstardyń qurylysy aıaqtaldy. Shymkentte 5 medıtsınalyq mekeme men 115 sport alańy salyndy.




Aqmola oblysynda bıyl 48 et jáne 10 sút-taýar fermasy iske qosyldy. Aqtóbe oblysynda partııanyń saılaýaldy baǵdarlamasy aıasynda 488 myń sharshy metr turǵyn úı paıdalanýǵa berildi. Almaty oblysynda 12 mektep jáne 135 balabaqsha ashyldy. Atyraý oblysynda 6 mektepte ınklıýzııany qoldaý kabınetteri ashyldy.

Shyǵys Qazaqstan oblysynyń Semeı qalasynda ıAdrolyq medıtsına ortalyǵy paıdalanýǵa berildi. Al Óskemende oblystyq onkologııa jáne hırýrgııa ortalyǵyndaǵy operatsııalyq blokty jańǵyrtý jumystary aıaqtaldy.




Jambyl oblysynda erekshe qajettilikteri bar azamattar úshin kedergisiz orta qurý maqsatynda qaladaǵy 255 nysan tolyǵymen beıimdeldi. Batys Qazaqstan oblysyndaǵy Syrym aýdanynyń 6 aýylynda sýmen jabdyqtaý nysandarynyń qurylysy aıaqtaldy.

Qostanaı oblysynda aýyl sharýashylyǵy tehnıkasyn shyǵaratyn tseh óz jumysyn bastasa, budan bólek medıtsınalyq jabdyqtar men ońaltýdyń tehnıkalyq quraldaryn óndiretin tseh ta paıdalanýǵa berildi. Qaraǵandy oblysynda 1,4 myń shaqyrym jol jóndeldi. Qyzylorda oblysynda 363 shaqyrym gaz jelisi tartylyp, oǵan 38 myń halqy bar 3 eldi meken qosyldy.

Pavlodar oblysynyń agroónerkásiptik kesheninde jalpy somasy 4,7 mlrd.teńge bolatyn 8 joba sátti iske asty. Mańǵystaý oblysynda 28 mektep salyndy jáne jóndeldi.




Soltústik Qazaqstan oblysynda saılaýaldy ýádelerdi oryndaý aıasynda 12 myńǵa jýyq turaqty jańa jumys orny ashyldy. Túrkistan oblysynda jyl sońyna deıin 717 eldi meken sapaly aýyz sýǵa qol jetkizip, óńirdiń taǵy 65 myń turǵyny tabıǵı gazben qamtamasyz etiledi.

Eske sala keteıik, Elbasy, Partııa Lıderi Nursultan Nazarbaevtyń tapsyrmasy boıynsha «Nur Otan» partııasynyń saılaýaldy ýádelerin iske asyrýdy júıeli baqylaýdy qamtamasyz etý úshin jaýapty depýtattar men basshylardy naqty bekite otyryp, 217 jol kartasy iske asyrylýda. 12 myńnan astam belsendi azamattyń qatysýymen 1,7 myńnan astam qoǵamdyq keńesten turatyn óńirlik júıe quryldy.





Basty sózder: Azamattyq qoǵam, Partııalar,
Joǵary qaraı