Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Nur Otan partııasy Almaty fılıaly tóraǵasynyń birinshi orynbasary taǵaıyndaldy

2021 jyldyń 20 qańtar 2021 13:16

ALMATY. QazAqparat - Partııanyń Almaty qalalyq fılıalynyń tóraǵasy, qala ákimi Baqytjan Saǵyntaev Bıýro múshelerine Nur Otan partııasy qalalyq fılıaly tóraǵasynyń birinshi orynbasaryn tanystyrdy. Bul laýazymǵa 33 jastaǵy Meıirjan Otynshıev taǵaıyndaldy, dep habarlaıdy QazAqparat tilshisi.

Ál-Farabı atyndaǵy QazUÝ-niń, Qaraǵandy ekonomıkalyq ýnıversıtetiniń jáne Qazaqstan Respýblıkasy Prezıdenti janyndaǵy Memlekettik basqarý Akademııasynyń túlegi Meıirjan Otynshıev 2019 jyldyń naýryz aıynan bastap Almaty qalasy Turǵyn úı saıasaty basqarmasy basshysynyń orynbasary bolǵan.

Bıýro músheleri usynylǵan kandıdatýrany biraýyzdan qoldady. Partııalyq jobalar men bastamalardyń naqtyly oryndalýyn eske saldy. Sondaı-aq, partııanyń Almaty qalalyq fılıalynyń saılaýaldy baǵdarlamasyndaǵy oryndalýy tıis mindetterdiń biri – úkimettik emes uıymdarmen jáne qoǵamdyq pikirdiń kósh basshylarymen syndarly dıalogty odan ári jalǵastyrý ekeni atap ótildi.

Almaty ákimi Baqytjan Saǵyntaev qalalyq máslıhattyń hatshysy bolyp saılanǵan Stanıslav Kankýrovqa atqarǵan jumysy úshin alǵysyn bildirdi.

Eske salsaq, qazir Nur Otan partııasynyń Almaty qalalyq fılıalynda 59 myń partııa múshesi bar. Olar megapolıstiń barlyq segiz aýdanyndaǵy 672 bastaýysh partııa uıymdaryna biriktirilgen.


Avtor Gúlmıra Ǵosmanálı
Basty sózder: Taǵaıyndaý, Almaty,
Joǵary qaraı