Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Nur Otan» partııasynyń saılaýaldy baǵdarlamasy qalaı iske asyrylyp jatyr

2021 jyldyń 15 qyrkúıek 2021 12:00

NUR-SULTAN. QazAqparat - Stýdentterge jataqhanadan oryn berý, halyqtyń áljýaz toptaryna áleýmettik kómek tóleý, múmkindigi shekteýli jandarǵa ınfraqurylymdy jaqsartý máseleleri «Nur Otan» partııasynyń saılaýaldy baǵdarlamasyn iske asyrý jónindegi shtab otyrysynda qaraldy, dep habarlaıdy primeminister.kz.

Úkimette Premer-Mınıstrdiń birinshi orynbasary Álıhan Smaıylovtyń tóraǵalyǵymen shtabtyń kezekti otyrysy ótti.

Talqylaýǵa túsken máselelerdiń biri 2025 jylǵa qaraı kolledjder men ýnıversıtetterdiń jataqhanalarynda keminde 50 myń jańa oryndy paıdalanýǵa berý boldy.

Bıylǵy 1 qyrkúıektegi jaǵdaı boıynsha 1924 orynǵa arnalǵan 10 jataqhana paıdalanýǵa berildi. Osy jyldyń aıaǵyna deıin 12 185 oryndyq qosymsha 37 jataqhanany paıdalanýǵa berý josparda bar.

Kezdesý qorytyndysy boıynsha qysqa merzimde múddeli memlekettik organdarǵa memlekettik tapsyrysty ornalastyrý mehanızmin jetildirý boıynsha usynystardy qaraý týraly buıryq berildi.

Sondaı-aq jalǵyzbasty qart azamattarǵa qosymsha áleýmettik qoldaý túrleri boıynsha aqparat berildi, atap aıtsaq: ómirinde qıyn jaǵdaı bolǵan kezde birjolǵy materıaldyq kómek kórsetý, dári-dármekpen qamtamasyz etý, sanatorııa-kýrorttyq emdelý, turǵyn úıdi jóndeý.

Erekshe qajettilikteri bar adamdar úshin pandýstarmen, arnaıy lıfttermen, dárethanalarmen jáne zaǵıp jandarǵa baǵyttaýysh belgilermen qamtamasyz etý sekildi ınfraqurylymdy jaqsartý máselesi qaraldy.

Qoǵamdyq baqylaýdyń aımaqtyq toptarynyń monıtorıng obektileri boıynsha jumysy jandandyrylýda.

Sonymen qatar múgedekterdi jumysqa ornalastyrý boıynsha júrgizilip jatqan jumystar talqylandy.

Birinshi jartyjyldyqtyń qorytyndysy boıynsha jumyspen qamtylǵan múgedekter úlesi jumyspen qamtý ortalyqtaryna júgingen eńbekke jaramdy múgedekterdiń 29,7% quraıdy.

Premer-Mınıstrdiń birinshi orynbasary múgedekterdi jumyspen qamtý máseleleri boıynsha qoldaý sharalary keshenin qarastyrýdy (oqytý, jumys oryndaryn qaıta jabdyqtaý, jalaqynyń bir bóligin sýbsıdııalaý, jumyspen qamtý kvotasynyń saqtalýyn baqylaý) qamtamasyz etýdi jáne jumyspen qamtý máselesine erekshe nazar aýdarýdy tapsyrdy.

Bul sharalar 2025 jylǵa deıin ázirlengen Ulttyq jumyspen qamtý jobasynda kórinis tabýy tıis.


Joǵary qaraı