Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Nur Otan partııasynyń XX seziniń kún tártibi bekitildi

2020 jyldyń 23 qarasha 2020 16:36

NUR-SULTAN. QazAqparat – XX sez qarsańynda partııanyń Ortalyq apparatynda «Nur Otan» Saıası keńesiniń otyrysy ótti. Beınekonferentsııa baılanysy rejıminde uıymdastyrý máselelerimen qatar partııanyń sońǵy 5 jyldaǵy qyzmetiniń qorytyndylary qaraldy, dep habarlaıdy QazAqparat partııanyń baspasóz qyzmetine silteme jasap.

«Nur Otan»-nyń besjyldyq jumysyn qorytyndylaı kele, partııa Tóraǵasynyń birinshi orynbasary Baýyrjan Baıbek partııanyń 234 qoǵamdyq qabyldaý bólmesi saılaýaldy baǵdarlamany baqylaý men «keri baılanystyń» pármendi tetigi bolǵanyn atap ótti.

Elbasy, partııa lıderi Nursultan Nazarbaevtyń tapsyrmasy boıynsha «Nur Otan» 2014 jyly elimizde birinshi bolyp «Elektrondy partııa» jobasy aıasynda qoǵamdyq onlaın-qabyldaý bólmesin, veb-portal ashyp, messendjerler men áleýmettik jeliler arqyly kommýnıkatsııanyń jańa arnalaryn engize bastaǵan.

«5 jyl ishinde partııaǵa shamamen 1,2 mln adam júgindi, onyń 30%-i ótinishin onlaın joldady. Ótinishterdiń 92%-i boıynsha oń sheshim qabyldanyp, tegin keńes berilip, quqyqtyq kómek kórsetildi. Nurotandyq depýtattar, ortalyq jáne jergilikti atqarýshy organdardyń basshylary 180 myńǵa jýyq qabyldaý ótkizip, 340 myńnan astam azamatty qabyldady. Ótinishterdiń 72%-i oń sheshimin tapty, 28%-i boıynsha túsindirme men qajetti keńes berildi», - dedi Baýyrjan Baıbek.





Onyń aıtýynsha, pandemııaǵa qaramastan, qoǵamdyq qabyldaýlardyń jumysy onlaın formatta jalǵasyp, elektrondy túrde 339 myń ótinish qabyldanǵan.

«Álemdik tájirıbe kórsetkendeı, pandemııa kezinde turmystyq zorlyq-zombylyq ósýde. Qıyn-qystaý jaǵdaıǵa tap bolǵan otbasylarǵa, áıelder men balalarǵa keshendi kómek kórsetýdi uıymdastyrý úshin táýlik boıy jumys isteıtin «111 shuǵyl qyzmet» baılanys ortalyǵy iske qosyldy. 2 aıdyń ishinde 3 myńnan astam ótinish boıynsha zań keńesteri berilip, psıhologııalyq kómek kórsetildi. Bul – el Prezıdenti Qasym-Jomart Kemeluly Toqaevtyń «Halyq únine qulaq asatyn memleket» tujyrymdamasyn júıeli júzege asyrýdyń kórinisi», - dedi partııa Tóraǵasynyń birinshi orynbasary.

Osy oraıda, ol Elbasy, partııa Tóraǵasy Nursultan Nazarbaevtyń tapsyrmasyna sáıkes, «Nur Otan» partııasy naqty áleýmettik toptardyń máselelerin jobalyq tásil negizinde sheshetinin atap ótti.





Máselen, «Ardagerlerdi ardaqtaıyq» jobasyn júzege asyra otyryp, ardagerler men tyl eńbekkerleriniń 200 myńnan astam áleýmettik-turmystyq máseleleri sheshildi. «Baqytty otbasy» jobasy aıasynda 1300-den astam bilim berý, densaýlyq saqtaý jáne áleýmettik qorǵaý mekemelerine monıtorıng júrgizildi, bala quqyqtaryn qorǵaý jáne turmystyq zorlyq-zombylyqqa qarsy turý turǵysynan zań jobalaryna 45 usynys engizildi.

«Kedergisiz keleshek» jobasynyń arqasynda erekshe qajettilikteri bar 40 myńǵa jýyq azamat jumysqa ornalastyrylyp, 24 myńnan astam nysan solarǵa yńǵaılandyryldy. Sondaı-aq, jalpy bilim beretin mektepterde 43 ınklıýzııany qoldaý kabıneti ashyldy.

«Elbasy, partııa Lıderi N.Á. Nazarbaev qoıǵan mindetterdiń sheshilýin, alynǵan mindettemelerdiń oryndalýyn baqylaýdy Partııalyq baqylaý komıteti men Sybaılas jemqorlyqqa qarsy is-qımyl jónindegi respýblıkalyq qoǵamdyq keńes iske asyrady. Sońǵy 5 jyl ishinde partııalyq basty organdar túrli memlekettik jáne partııalyq organdarǵa 800-den astam usynym ázirledi. Máselen, Partııalyq baqylaý komıtetiniń aralasýymen 9,3 myń medıtsına qyzmetkerine ótemaqy tólendi», – dep atap ótti Baýyrjan Baıbek.

Sybaılas jemqorlyqqa qarsy kúres te partııa úshin prıntsıpti másele bolyp qala beredi. Sybaılas jemqorlyqqa qarsy is-qımyl jónindegi respýblıkalyq keńes «Jas Otan» Jastar qanatymen birlesip joǵary oqý oryndary men kolledjderdi tekserdi. Nátıjesinde 10 myńnan astam stýdenttiń jataqhanalardaǵy ómir súrý jaǵdaıy jaqsardy.





«Jastar – Otanǵa!» baǵdarlamasy aıasynda sońǵy 5 jylda 13 myńnan astam jas býyn jumysqa turdy. Jastar bastamalarynyń memlekettik áleýmettik tapsyrysyn qarjylandyrý 2,5 ese ósti.

«Nur Otan» partııasy qoǵamdyq-saıası uıymdardyń ishinen alǵashqylardyń biri bolyp pandemııanyń áleýmettik-ekonomıkalyq saldaryna qarsy turdy. Elbasy, «Nur Otan» partııasy Tóraǵasynyń bastamasymen qurylǵan «Birgemiz» qoǵamdyq qory 2,2 mılıonnan astam adamǵa, Nur-Sultan men Almaty qalasyndaǵy 2 myńnan astam medıtsına qyzmetkerine materıaldyq kómek kórsetti. Halyqtyń neǵurlym az qorǵalǵan toptaryna jatatyn 100 myń otbasyna 5 mln. medıtsınalyq maska tegin taratyldy. 1 mln-nan astam adam 4,4 mlrd teńge somaǵa birinshi kezekte qajetti taýarlarmen qamtamasyz etildi. Maqtaaralda sý tasqynynan zardap shekken azamattarǵa arnap 32 úı salynyp, 1 myń tonnadan astam gýmanıtarlyq kómek jiberildi», - dedi Baýyrjan Baıbek.

Saıası keńes otyrysynyń qorytyndysy boıynsha Úkimettiń saılaýaldy baǵdarlamasyn iske asyrý jónindegi esebi aldyn ala maquldandy, partııanyń Jarǵysy men Saıası Doktrınasyna ózgerister qaraldy. Praımerızdiń 78 jeńimpazy engen Májiliske arnalǵan partııalyq tizim, sondaı-aq jumys organdarynyń quramy men partııanyń kezekten tys XX Seziniń kún tártibi bekitildi.





Joǵary qaraı