Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan ákimdigi 82 jer ýchaskesiniń ıelerine 1,5 mlrd teńge ótemaqy tóleıtin boldy

2021 jyldyń 24 qarasha 2021 15:34

NUR-SULTAN. QazAqparat – Elordanyń máslıhat depýtattary Turǵyn úı jáne turǵyn úı ınspektsııasy basqarmasynyń qala aýmaǵyndaǵy 82 jer ýchaskesiniń ıelerine 1,5 mlrd teńge ótemaqy tóleý týraly jobasyn maquldady, dep habarlaıdy QazAqparat tilshisi.

Qalalyq máslıhattyń kezekten tys sessııasynda «Jer ýchaskelerin memlekettik muqtaj úshin alyp qoıýǵa baılanysty jer ýchaskelerin nemese ózge de jyljymaıtyn múlikti ıelikten shyǵarý sharttarynyń jobalaryn kelisý týraly» sheshim jobasyn Turǵyn úı jáne turǵyn úı ınspektsııasy basqarmasynyń basshysy Ánýar Saıpov baıandady.

«Qalalyq máslıhat sessııasynyń qaraýyna 1 mlrd 486 mln teńge somasynda, jalpy aýdany 4,05 gektar bolatyn 12 obekt boıynsha 82 jer ýchaskesin satyp alý týraly sharttyń jobasy usynylady», - dedi basqarma basshysy.

Jer ýchaskelerin satyp alý sharty mynadaı nysandardy qamtıdy:

1. A-50 jáne A-51 kósheleriniń qurylysy – A.Baıtursynov jáne J.Nájimedenov kósheleriniń aralyǵy;

2. Turan dańǵyly №227 kósheniń qıylysyndaǵy ákimshilik ǵımarat qurylysy;

3. Qabanbaı batyr jáne Hýseın Ben Talal dańǵyldarynyń qıylysyndaǵy ákimshilik ǵımarat qurylysy;

4. Táýelsizdik dańǵyly men Sharl de Gol kóshesiniń qıylysyndaǵy quramdas ǵımarattar men parkıngi bar turǵyn úı kesheniniń qurylysy;

5. Sharl de Gol jáne Asqar Toqpanov kósheleriniń qıylysý aýdanyndaǵy jańa kóshe qurylysy;

6. Sh.Qudaıberdi uly kóshesindegi №2/1 jáne №2/2 úılerdiń aýdanynda quramdas ǵımarattar men parkıngi bar kóppáterli turǵyn úı kesheniniń qurylysy;

7. Kúmisbekov jáne Qosshyǵulov kósheleriniń qıylysyndaǵy quramdas ǵımarattar men parkıngi bar kóppáterli turǵyn úı kesheniniń qurylysy;

8. Aqadyr jáne Igilik kósheleriniń qıylysyndaǵy ýchaskeni abattandyrý;

9. Sývorov kóshesindegi №16 úıdiń aýdanyndaǵy ýchaskeni abattandyrý;

10. «Óndiris» turǵyn massıviniń Taıbýryl jáne Igilik kósheleriniń qıylysyndaǵy mektep qurylysy;

11. A.Imanov jáne «Egemen Qazaqstan» gazeti kósheleriniń qıylysyndaǵy mektep qurylysy;

12. «Telman» turǵyn massıvindegi park-skver qurylysy;

«Barlyq jer ýchaskeleriniń menshik ıeleri usynylǵan kompensatsııa somasymen tanysty. Jazbasha kelisimderi bar», - dedi Ánýar Saıpov.

Máslıhat depýtattary sheshim jobasyn maquldap daýys berdi.


Avtor Esimjan Naqtybaı
Basty sózder: Ákimdik, Qoǵam, Nur-Sultan, Qurylys,
Joǵary qaraı