Aýa raıy
Astana -10 °S
Almaty -1 °S
valıýta baǵamy
USD 388.70
EUR 428.70
RUB 6.08
CNY 55.46

Nur-Sultan ákimdigi zeınetkerlerge aqshalaı syılyq jasaıdy

2019 jyldyń 18 qyrkúıek 2019 10:22

NUR-SULTAN. QazAqparat - 1 qazan kúni Qazaqstanda Qarttar kúni merekesi toılanady. Elorda ákimdigi jyl saıynǵy dástúr boıynsha zeınetkerlerge birrettik aqshalaı tólem beredi, dep habarlaıdy QazAqparat.

Qala ákimdiginen málim etkendeı, bıylǵy jyly bul soma 6313 teńgeni quraıdy.

«Nur-Sultan qalasynyń Jumyspen qamtý jáne áleýmettik qorǵaý basqarmasy 25 qyrkúıekten bastap 1 qazanǵa deıin 2,5 aılyq eseptik kórsetkish – 6313 teńge kóleminde tólem tóleıdi. Atalǵan tólem jasyna baılanysty zeınetke (áıelder úshin zeınet jasy– 58, erler úshin – 63 jas) shyqqandarǵa eseptelgen. Buǵan deıin bul kómek eń tómen mólsherdegi zeınetaqy alýshylarǵa 30 tamyz QR Konstıtýtsııasy kúnine oraı kórsetilgen bolatyn», - dedi vedomstvodan.

Atap ótilgendeı, birrettik tólem Alfa-Bank, ATF Bank, Tsentrkredıt banki, Eýrazııalyq bank, Jýsan Bank (Tsesnabank), Halyk Bank (Halyq bank), Nurbank, Sberbank, ForteBank jáne Qazposhtadaǵy esepshottarǵa jiberiledi. Atalǵan mekemelerde esepshottary joq zeınetkerler ony ashyp, shot ashý týraly 20 tańbaly anyqtamany Dostyk kóshesi, 13 («Nursaıa 2» TK) meken jaıy boıynsha tapsyrýlary qajet. Anyqtama úshin telefondar: «Almaty» aýdanynyń áleýmettik tólemderdi taǵaıyndaý bólimi 55-68-22; «Esil» aýdanynyń áleýmettik tólemderdi taǵaıyndaý bólimi 55-68-34; «Saryarqa», «Baıqońyr» aýdanynyń áleýmettik tólemderdi taǵaıyndaý bólimi 55-68-45.


Basty sózder: Nur-Sultan, Qoǵam, Ákimdik,
Joǵary qaraı