Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nur-Sultan qalasy men Qaraǵandy oblysynyń bas prokýrorlary aýysty

2022 jyldyń 27 mamyr 2022 12:44

NUR-SULTAN. QazAqparat – Memleket basshysynyń kelisimimen Nur-Sultan qalasy jáne Qaraǵandy oblysynyń prokýrorlary taǵaıyndaldy, dep habarlaıdy QazAqparat QR Bas prokýratýrasynyń resmı saıtyna silteme jasap.

Nur-Sultan qalasynyń prokýrory laýazymyna aǵa ádilet keńesshisi Ótegenov Erlan Rahymjanuly taǵaıyndaldy.

Erlan Ótegenov 1997 jyldan bastap prokýratýra organdarynda jumys istep keledi.

Almaty, Ońtústik Qazaqstan, Aqmola oblystarynyń jáne Almaty qalasynyń prokýratýralarynda basshylyq qyzmetterdi atqardy.

Almaty tabıǵatty qorǵaý prokýrorynyń orynbasary jáne Almaty oblysy Qarasaı aýdanynyń prokýrory, Aqmola oblysynyń Tselınograd, Egindikól aýdandarynyń jáne Almaty oblysy boıynsha Talǵar aýdanynyń prokýrory, Almaty qalasynyń Quqyqtyq statıstıka jáne arnaıy esepke alý komıtetiniń basqarma bastyǵy bolǵan.

2019 jyldyń maýsymynan bastap, Nur-Sultan qalasy prokýrorynyń orynbasary laýazymyn atqardy.

Al, Qaraǵandy oblysynyń prokýrory bolyp, 3-synypty memlekettik ádilet keńesshisi Myrzakerov Baýyrjan Qypshauly taǵaıyndaldy.

Baýyrjan Myrzakerov qyzmet jolyn 1997 jyly Qapshaǵaı garnızonynda áskerı prokýrordyń kómekshisi retinde bastaǵan.

Ár jyldary Shymkent, Saryózek, Óskemen, Qapshaǵaı garnızondarynda áskerı prokýratýranyń basshylyq qyzmetterin atqardy.

Pavlodar oblysy, Bas áskerı prokýrordyń orynbasary, Bas prokýratýranyń zańdy kúshine engen úkimderdiń zańdylyǵyn jáne olardyń oryndalýyn qadaǵalaý qyzmetiniń basshysy boldy.

2019 jyldyń sáýirinen bastap elordalyq prokýratýrany basqardy.



Joǵary qaraı