Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan qalasynan shyǵatyn joldarǵa beketter qoıyldy

2020 jyldyń 24 shilde 2020 11:03

NUR-SULTAN. QazAqparat – Elorda polıtseıleri turǵyndarǵa týrıstik aımaqtarǵa barýdan bas tartýǵa keńes beredi. Koronavırýspen kúres jáne karantındik sharalardyń kúsheıýi barysynda týrıstik aımaqtar jabylady, dep habarlaıdy QazAqparat elordalyq Polıtsııa departamentine silteme jasap.

Nur-Sultan qalasynan shyǵatyn joldarǵa beketter qoıylǵan, onda elordalyq polıtseıler azamattarmen demalys oryndaryndaǵy avtokóliktiń qozǵalysy shektelgeni týraly túsindirý jumystaryn júrgizedi jáne maska taǵyp, áleýmettik qashyqtyqty saqtaý qajettigi týraly eskertedi.

«Shekteý sharalary únemi aıryqsha baqylaýda bolady. Koronavırýspen kúresý úshin elorda turǵyndary men qonaqtary jaǵdaıǵa túsinistikpen qarap, sýǵa shomylý maýsymy ótip jatqan demalys oryndaryna, adam kóp jınalatyn oryndarǵa barmaýy qajet», - dedi Nur-Sultan qalasynyń Polıtsııa departamenti Jergilikti polıtsııa qyzmetiniń basshysy Ǵosman Jakın.

Sońǵy eki kúnde Nur-Sultanda polıtsııa qyzmetkerleri, epıdemıologter, volonterler, jergilikti atqarýshy organdardyń ókilderi bar mobıldi toptar karantındi buzýdyń 50 oqıǵasyn tirkeldi, onyń ishinde 29 kásipker maska kııý jáne áleýmettik qashyqtyqty saqtaý boıynsha mindetti talaptardy buzǵan jáne 21 kásipker – tyıym salynǵan ýaqytta jumys istegen. Zańbuzýshylyqtar týraly materıaldar jergilikti Densaýlyq saqtaý organyna – Taýarlar men qyzmetterdiń sapasy men qaýipsizdigin baqylaý departamentine berildi.

Qazirgi ýaqytta elordada 16 monıtorıng mobıldi toby jumys isteıdi. Polıtsııa qyzmetkerleri oıyn-saýyq oryndaryna, qoǵamdyq tamaqtaný nysandaryna, saýna, monshalar, attraktsıondarǵa kirip, karantındik sharalar týraly eskertedi jáne tártip buzýshylyq faktilerin anyqtaıdy.

«Nur-Sultan qalasynyń Polıtsııa departamenti azamattardy qoǵamdyq oryndarda jaýapty bolýǵa jáne sanıtarlyq normalardy saqtaýǵa shaqyrady. Sondaı-aq koronavırýstyń taralýyna jol bermeý maqsatynda turǵyndarǵa qala syrtyna shyqpaýǵa shaqyrady», - deıdi departament.


Joǵary qaraı