Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan kósheleri arnaıy sýsabynmen jýylady

2021 jyldyń 19 sáýir 2021 19:04

NUR-SULTAN. QazAqparat – Nur-Sultan kóshelerinen bir myń tonnadan astam qoqys shyǵaryldy, dep habarlaıdy QazAqparat.

Nur-Sultanda qalany sanıtarlyq tazalaý jáne abattandyrý jumystary kún saıyn júrgizilip jatyr. Kommýnaldyq senbilikter bastalǵannan beri 940 tonnadan astam qoqys shyǵaryldy. Al ruqsat etilmegen oryndardan taǵy 72 tonna qoqys tazalandy.

Bıyl ekologııany jaqsartý jáne qala turǵyndaryna qolaıly jaǵdaı jasaý úshin 1 mln-ǵa jýyq jasyl jelek (aǵashtar, kóshetter, butalar, aǵash sharbaqtar) otyrǵyzý josparlanyp otyr. Qalany taza ustaý jáne abattandyrý jumystary 24/7 rejıminde júrgiziledi.
Sanıtarlyq tazalaý jáne abattandyrý
Aýqymdy jumystarǵa kún saıyn jol boıynyń 2 200-den astam jumysshysy jáne bir myńnan astam arnaıy tehnıka jumyldyrylady. Onyń barysynda kópirlerdi, qorshaýlardy, jol belgilerin jýý, qoǵamdyq oryndarda (saıabaqtar, skverler, býlvarlar, aýlalar) tazalyq jumystaryn júrgizý, oramishilik abattandyrý, qýrap qalǵan butaqtardy kesý sondaı-aq, elorda joldaryn uzaqqa sozylǵan qystan keıin arnaıy sýsabynmen jýý josparlanyp otyr.





Ekologııalyq aktsııalar jáne kommýnaldyq senbilikter
10 sáýirden bastap qalada «Birge taza Qazaqstan» ekologııalyq aktsııasy ótkizilýde. Osy kezeńde polıgonǵa 940 tonnadan astam qaldyq shyǵaryldy. Sanıtarlyq normalardy saqtaı otyryp, kommýnaldyq senbilikterge PIK, qurylys kompanııalary, shaǵyn jáne orta bıznes sýbektileri, belsendi qala turǵyndary jáne taǵy basqa ujymdar belsendi qatysýda.
Mysaly, ákimdiktiń tapsyrmasy boıynsha qurylys kompanııalary aýmaqty qoqystan tazartý jumystaryn júrgizip, dóńgelek jýý pýnkterin ashady, kireberis joldardy tegisteıdi. Al abattandyrý erejeleri buzylǵan jaǵdaıda qurylys kompanııalary aıyppul tóleıdi, tipti jumystaryn toqtatýǵa deıingi sharalar qoldanylady.
Jalpy alǵanda, búginge deıin kommýnaldyq senbilikterge qalanyń 1900-ge jýyq kásiporny men uıymy qatysty. Aýdandyq ákimdikter sondaı-aq aǵash otyrǵyzý jumystaryn júrgizip, ruqsat etilmegen oryndardan 72 tonna qoqys shyǵardy.
Aǵash otyrǵyzý
Ekologııany jaqsartý jáne qala turǵyndaryna qolaıly jaǵdaı jasaý úshin aǵash otyrǵyzý jumystary júrgizilýde. Bıyl barlyǵy 1 mln-ǵa jýyq jasyl jelek (aǵashtar, kóshetter, butalar, aǵash sharbaqtar) otyrǵyzý josparlanyp otyr. Osylaısha, Nur-Sultanda jasyl ekologııalyq aımaqtar paıda bolady.
Jol jumystary
Qalada birqatar jol jumystary júrgizilýde: belgiler ornatý, jıektastardy qalpyna keltirý, shuńqyrlardy jóndeý jumystaryn júrgizý. Ótken jyly 170-ten astam kóshe jóndeldi, onyń 100-i turǵyn úı alaptarynda ornalasqan. Bıyl sondaı-aq qalanyń eski bóligine, turǵyn úı alaptaryna, qozǵalys qarqyndylyǵy joǵary ýchaskelerge jáne taǵy basqasyna basa nazar aýdarylatyn bolady.




















Basty sózder: Jol, Qoǵam, Ákimdik, Ekologııa, Nur-Sultan,
Joǵary qaraı