Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan - Temirtaý trassasyn basqan sýdyń deńgeıi tómendedi

2021 jyldyń 11 sáýir 2021 12:05

QARAǴANDY. QazAqparat – Qaraǵandy oblysynyń qutqarýshylary jergilikti bılik ókilderimen birlesip sý tasqyny qaýpi bar aýdandarda jumys júrgizýde. Búgingi tańda oblystyń TJD qyzmetkerleri avtojoldardyń eki ýchaskesinde sý basý jaǵdaılaryn joıdy, dep habarlaıdy QazAqparat tilshisi.

Atap aıtqanda, Nura aýdanyndaǵy Qundyzdy ózeninde (Nura kentiniń mańynda) sýdyń kóterilý deńgeıi tómendedi. Oqıǵa ornynda qorǵanys dýaldaryn nyǵaıtý sharalary jáne ózendegi muz keptelisin joıý boıynsha jarylys jumystary júrgizildi. Ótken táýlikte ózenniń bes ýchaskesinde jarylys jumystary atqaryldy. Eldi mekendi sý basý qaýpi joq.

Sondaı-aq «Nur-Sultan - Qabanbaı batyr - Nura - Temirtaý» avtojolynyń 104-shaqyrymyn basqan tasqyn sýdyń kólemi azaıdy. Qazirgi ýaqytta onyń eni 60 m, tereńdigi 10 sm quraıdy. Atalmysh ýchaskede jol jıekterine topyraq tógý jumystary júrgizildi. Jol qyzmetteri men jergilikti atqarýshy organdardyń kezekshilikteri uıymdastyryldy.

Aqtúbek jáne Nyǵman aýyldaryndaǵy avtojoldarda da sý basý deńgeıiniń tómendeýi baıqalady. Eldi mekenderge qaýip joq.

Sonymen qatar, Osakarov aýdany Qaraǵaıly aýylynyń mańyndaǵy Qarǵaly ózeniniń eki ýchaskesinde muz usatý júrgizildi.



Joǵary qaraı