Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan turǵyndary «kógildir otyndy» paıdalana bastady

2021 jyldyń 14 qazan 2021 16:14

NUR-SULTAN. QazAqparat - 2021 jyldyń qazan aıynyń ortasynda Ońtústik-Shyǵys iri turǵyn alabynda úıler gazǵa qosyldy, dep habarlaıdy QazAqparat Elorda ákimdiginiń resmı saıtyna silteme jasap.

Bul jeke sektor tútinniń negizgi kózderiniń biri bolyp sanalady. Osylaısha, búginde kelesi aýdandar gaz berýmen qamtamasyz etildi: 1) «Promyshlennyı» t/a (Qoshqarbaev dańǵylynan ońtústikke qaraı tolyǵymen); 2) Momyshuly dańǵyly - Abylaıhan dańǵyly - Qoshqarbaev dańǵyly - Qordaı kóshesi shekarasynda; 3) Qudaıberdiuly dańǵyly - Býrabaı – Abylaıhan dańǵyly - Mustafın kóshesi; 4) Qobylandy batyr kóshesi - Lepsi kóshesi - Qudaıberdiuly dańǵyly - Býrabaı kóshesi.




Osy aýdandarda turatyn turǵyndar úıdi gazǵa qosýǵa ótinim berý úshin «QazTransGaz Aımaq» AQ-ǵa (Respýblıka dańǵyly, 24) júginýi qajet. Tolyq aqparat alý úshin +7(7172)55-89-75, ishki nómirleri: 1530, 1527, 1534.

Ońtústik-Shyǵys turǵyn alabynyń qalǵan bóligi boıynsha iske qosý-retteý jumystary júrgizilýde, gazdy iske qosý kezeń-kezeńimen bir aı ishinde oryndalady. Qazaqaýyl (Qaraótkel) shaǵynaýdany boıynsha qurylys-montajdaý jumystary júrgizilýde.

«Bul biz úshin óte qýanyshty oqıǵa. Keshe úıimizge gaz kirdi. Endi túnimen peshti kúzetip, tekserýdiń qajeti joq. Tańerteń qazandyqty tekserdim, bári taza, úı de taza, jyly. Buryn túnde 3-4 ret peshke kómir salýǵa týra keletin. Qazir munyń bárin isteýdiń qajeti joq», - dedi Ońtústik-Shyǵys turǵyny Erden Omarov.

«Bizdiń Ońtústik-Shyǵys eldi mekeninde turǵanymyzǵa 20 jyl boldy. Pesh jaǵyp, sonyń tútinimen demalatynbyz. Endi bizge gaz keldi. Óte qýanyshtymyz. Bizge jeńil boldy, onyń ústine ekologııa da jaqsarady», - dedi Ońtústik-Shyǵys turǵyn alabynyń turǵyny Ámirjan Bolsanbekov.




Nur-Sultanda qalany gazdandyrý boıynsha aýqymdy jumystar jalǵasýda. Eki jyl ishinde elordada 645 shaqyrymnan astam kvartalishilik gazben jabdyqtaý jelileri salyndy. Gazǵa Kóktal-1, Kóktal-2, Temirjolshylar, Agroqalashyq bóligi jáne Ońtústik-Shyǵys turǵyn alaptarynyń turǵyndary qosyldy.

Osy kúzde Promyshlennyı, Agroqalashyq jáne Ońtústik-Shyǵys (qosylmaǵan bólikter) turǵyndary gazǵa qosylady. Sondaı-aq, «QazTransGaz Aımaq» AQ Kúıgenjar, Mıchýrıno, Internatsıonalnyı eldi mekenderinde gazben jabdyqtaý jelileriniń qurylysyn júrgizýde.

Gazdandyrý — Elbasynyń aýqymdy jobasy. Joba qala turǵyndarynyń ómir súrý sapasyn arttyryp, qala ekologııasyn aıtarlyqtaı jaqsartýǵa múmkindik beredi.

Qalany gazdandyrý máselesi memleket basshysynyń baqylaýynda.

















Basty sózder: Gaz, Energetıka, Nur-Sultan,
Joǵary qaraı