Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda AITV juqtyrǵan 5 áıel deni saý balany dúnıege ákeldi

2020 jyldyń 20 qarasha 2020 17:03

NUR-SULTAN. QazAqparat - Qalalyq JITS ortalyǵy Jahandyq qordyń 2018-2020 jyldarǵa arnalǵan grantyn ıelendi, dep habarlaıdy QazAqparat.

Qalalyq ákimdiktiń málimetine sensek, joba AITV-men ómir súretin adamdarǵa, onyń ishinde halyqtyń áleýmettik osal toptaryna profılaktıkalyq qyzmet, qamqorlyq pen qoldaý kórsetetin tórt ÚEU-men yntymaqtastyqta bolady.

«Grantty iske asyrý áleýmettik qorǵalmaǵan toptardy jumyspen qamtý máselelerin sheshýge kómektesedi, barlyǵy 50-den astam adam jumyspen qamtylǵan. Pandemııanyń alǵashqy tolqyny kezinde 375 otbasy azyq-túlik paketteri men balalarǵa arnalǵan kıim jıyntyqtaryn aldy. Dári-dármekpen qamtamasyz etý bir kúnge de toqtaǵan joq. ÚEU-nyń áleýmettik qyzmetkerleri naýqastarǵa dári-dármek jetkizdi, basqa qyzmetterge kómektesti», - delingen qalalyq JITS ortalyǵynyń esebinde.

Nur-Sultan qalasynda AITV-men ómir súretin adamdarǵa toqsan saıyn 5 AEK - 13 890 teńge, sondaı-aq 2,5 AEK - 6 945 teńge - 1 jeltoqsan - Dúnıejúzilik JITS-ke qarsy kúres kúnine áleýmettik kómek kórsetiledi.

AITV juqtyrǵan balalarǵa tólenetin áleýmettik tólemderdiń mólsherin arttyrý boıynsha jumys júrgizildi.

«2020 jyldyń qazan aıynan bastap qalalyq máslıhattyń sheshimimen AITV juqtyrǵan 18 jasqa deıingi balalarǵa 25 AEK (69 450 teńge) mólsherinde áleýmettik kómek kórsetiledi», - dep túsindirdi JITS ortalyǵy.

Nur-Sultanda adamdardyń 95%-y ózderiniń oń mártebelerin biledi (Qazaqstan Respýblıkasynda 83%).

Búginde dıspanserde 1287 adam esepte tur, onyń ishinde er adamdar - 785 (61%), áıelder - 502 (39%), onyń ishinde fertıldi jastaǵy áıelder - 432 (33%). Fertıldi jastaǵy áıelder arasynda 184 týylý tirkeldi.

Onyń ishinde AITV juqtyrǵan 5 áıel úsh jáne odan da kóp ret júkti bolyp, deni saý bala týdy.

«Olardyń barlyǵy ART-dan júktilikke deıin jáne júktilik kezinde ótýi kerek bolatyn. Búgingi tańda JITS ortalyǵynda 18 jasqa deıingi 20 naýqas esepte tur», - delingen habarlamada.


Basty sózder: Nur-Sultan, Medıtsına, Qoǵam,
Joǵary qaraı