Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda «Almaty – Táýelsizdiktiń altyn besigi» kórmesi ashyldy

2021 jyldyń 23 qarasha 2021 14:20

NUR-SULTAN. QazAqparat - Búgin QR Tuńǵysh Prezıdenti – Elbasy kitaphanasynyń mýzeıinde Almaty qalasy ákimdigimen birlesip uıymdastyrylǵan «Elbasy elimen birge» albomynyń tusaýkeseri jáne «Almaty – Táýelsizdiktiń altyn besigi» kórmesi ashyldy, dep habarlaıdy QazAqparat tilshisi.

Táýelsizdiktiń 30 jyldyǵyna jáne Qazaqstan Respýblıkasynyń Tuńǵysh Prezıdenti kúnine oraılastyrylǵan shara Elbasy kitaphanasynyń «Qazaqstan joly» jobasynyń aıasynda ótti.

«Táýelsizdik kúni qarsańynda Táýelsizdik besigi – Almaty qalasyna arnalǵan kórmeni ashýymyzdyń sımvoldyq máni óte zor. Osydan týra 30 jyl buryn, 1991 jylǵy jeltoqsanda memleketimiz Egemendiginiń negizin qalaǵan tarıhı oqıǵalar oryn aldy, 1 jeltoqsanda búkilhalyqtyq Prezıdent saılaýy, 10 jeltoqsanda Memleket basshysyn resmı ulyqtaý rásimi ótti jáne 16 jeltoqsanda Qazaqstan Táýelsizdigi resmı jarııalandy», - dedi Elbasy kitaphanasynyń dırektory Baqytjan Temirbolat.




«Almaty – Táýelsizdiktiń altyn besigi» kórmesiniń negizgi maqsaty – Almaty qalasynyń arhıvtik qujattaryn, fotosýretterdi, muraǵattar men mýzeıler jınaqtaryn jáne Elbasy kitaphanasynyń eksponattaryn kórsetý arqyly Almaty qalasynyń Táýelsiz Qazaqstan taǵdyryndaǵy orny men rólin kórsetý.

Almaty ákimi Baqytjan Saǵyntaev usynylǵan ekspozıtsııalar megapolıstiń Táýelsizdiktiń 30 jylyndaǵy jetistikterine arnalǵanyn atap ótti.




«Táýelsizdik jyldarynda Almaty ekonomıkasy 1993 jylǵy 2,1 mlrd teńgeden 2020 jyly 13,5 trln teńgege deıin, al jan basyna shaqqandaǵy JÓÓ 342,5 AQSh dollarynan 16,7 myń AQSh dollaryna deıin ósti. Halyq sany 1,8 esege artty; 1991 jylǵy 1 134 myń adamnan 2021 jyly 2 mıllıonnan astam adamǵa deıin. Táýelsiz Qazaqstan damýynyń jańa kezeńinde qala elimizdiń ǵylymı, bilim berý, zııatkerlik ortalyǵy bolyp qala beredi jáne bizdiń ultymyzdyń biregeıliginiń aıqyn kórinisi bolyp tabylady», - dedi Baqytjan Saǵyntaev.




«Almaty – Táýelsizdiktiń altyn besigi» kórmesi úsh ekspozıtsııadan turady:

1. «Táýelsizdiktiń bastaýy» - bul 1986 jylǵy Jeltoqsan oqıǵasy, 1991-1997 jylǵy oqıǵalar hronıkasy, sondaı-aq Almaty qalasynda qabyldanǵan mańyzdy tarıhı sheshimder.

2. «Qazaqstandyq jol: Almatynyń 30 jyldaǵy jetistikteri» – megapolıstiń táýelsizdik jyldaryndaǵy áleýmettik, ekonomıkalyq, mádenı salalardaǵy, sondaı-aq sporttaǵy negizgi jetistikteri týraly materıaldardy kórsetedi. Kórermenderge ınteraktıvti túrde qalanyń álemdik mádenıet pen órkenıetke qosqan úlesi týraly Almaty qalasynda 1991-2021 jyldary bolǵan 30 mańyzdy oqıǵamen tanysý múmkindigi usynyldy.




3. «Bizdiń bolashaǵymyz: Almaty – 2050 Strategııasy» - bóliminde Almatynyń uzaq merzimdi damýynyń basty baǵdarlary men strategııalyq basymdyqtary aıshyqtalǵan: Almaty – shetsiz qala; «aqyldy» qala; teń múmkindikter qalasy; qaýipsiz qala; jasyl qala; jahandyq iskerlik ortalyq; mádenı, kreatıvti qala.

Kórme Qazaqstan Respýblıkasynyń Tuńǵysh Prezıdenti – Elbasy kitaphanasynyń mýzeıinde 2022 jylǵy 28 qańtarǵa deıin jumys isteıtin bolady.








Joǵary qaraı