Aýa raıy
Astana 9 °S
Almaty 22 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda aıyna 5 mln maska tigetin qýatty óndiris orny iske qosyldy

2020 jyldyń 31 shilde 2020 17:08

NUR-SULTAN. QazAqparat - Nur-Sultanda aıyna 5 mln maska tigetin qýatty óndiris orny iske qosyldy, dep habarlaıdy QazAqparat elorda ákimdiginiń resmı saıtyna silteme jasap.

Qazirgi ýaqytta kásiporyn synaq rejıminde jumys isteıdi.

«10 maýsymda bizge qural-jabdyqtar kele bastady. Sodan keıin ony ázirlep, jumysqa qyzmetkerler qabyldaýǵa kiristik. Al 20 shildeden bastap synaq rejıminde jumysqa kirisip, qyzmetkerlerdi de qatar oqytý bastaldy. Kásiporyn jolaǵy synaq rejıminde eki mıllıonǵa jýyq maska shyǵardy. Tolyq óndiristik qýatyna shyqqanda aıyna bes mıllıon maskaǵa deıin tigetin bolady», - dedi «Bolashaq 2019» JShS tehnıkalyq dırektory Ǵabıt Núsipov.





Medıtsınalyq maskalardyń ereksheligi - súzgi qabatyna joǵary qorǵanys qasıeti bar jáne sý ótkizbeıtin materıal qoldanylady. Qazirgi ýaqytta kásiporynda úsh maýsymda jumys isteıdi.

«Biz birgemiz» aktsııasy aıasynda kásiporyn №12 qalalyq emhanaǵa 5 myń maska jetkizip berdi. Maskalardyń josparlanǵan baǵasy - 55 teńge (kóterme saýda), 60 teńge (bólshek saýda). Betperde satyp alǵysy keletinder «Bolashaq 2019» JShS (TM Bolashak fharma) myna mekenjaı boıynsha habarlasa alady: Nur-Sultan q., Baıyrqum kóshesi, 15. Telefon nómiri: 8-701-111-58-64, 8-776-311-58-64, 8-775-672-26-36.

Elordada basqa da birqatar kásiporyn maska tigýmen aınalysady. Sonymen qatar, ákimdik shilde aıynyń ortasynan bastap qalaǵa pnevmonııa, Covid-19 jáne basqa da aýrýlardy emdeý úshin 110 tonnaǵa jýyq dári-dármek jetkizdi.




















Basty sózder: Nur-Sultan, Ónerkásip, Medıtsına,
Joǵary qaraı